રાજીવ શુક્લા બીસીસીઆઈના નવા પ્રમુખ બનશે. તેઓ આવતા મહિને વર્તમાન પ્રમુખ રોજર બિન્નીની જગ્યા લેશે. બીસીસીઆઈના સૂત્રોના જણાવ્યા અનુસાર રાજીવ શુક્લા આવતા મહિને રોજર બિન્નીની જગ્યાએ બોર્ડ પ્રમુખ બનશે. ૭૦ વર્ષીય બિન્નીની મુદત ૧૯ જુલાઈએ પૂર્ણ થશે.

શુક્લાને પૂર્ણ-સમય પ્રમુખ બનાવવામાં આવશે

સુત્રોના જણાવ્યા મુજબ શુક્લાને પહેલા ૩ મહિના માટે બીસીસીઆઈના કાર્યકારી પ્રમુખ બનાવવામાં આવશે. તેઓ ૬૫ વર્ષના છે. સપ્ટેમ્બરમાં બીસીસીઆઈની વાર્ષિક સામાન્ય સભા યોજાશે ત્યારે શુક્લાને પૂર્ણ-સમય પ્રમુખ બનાવવામાં આવશે.

રોજર બિન્ની ઓક્ટોબર ૨૦૨૨માં બીસીસીઆઈના વડા બન્યા હતા

રોજર બિન્ની ઓક્ટોબર ૨૦૨૨માં બીસીસીઆઈના વડા બન્યા હતા. તેમણે ભૂતપૂર્વ કેપ્ટન સૌરવ ગાંગુલીની જગ્યા લીધી હતી. તેઓ ૧૯ જુલાઈએ ૭૦ વર્ષના થઈ રહ્યા છે, તેથી તેમનો કાર્યકાળ સમાપ્ત થઈ રહ્યો છે. જસ્ટિસ લોઢા સમિતિની ભલામણો પર સુપ્રીમ કોર્ટના નિર્ણય મુજબ, બીસીસીઆઈનો કોઈપણ અધિકારી ૭૦ વર્ષથી વધુ ઉંમરનો ન હોઈ શકે. તેથી, આવતા મહિને બીસીસીઆઈએ નવા પ્રમુખની પસંદગી કરવી પડશે.