ખંભાળિયાની પાયલ કાનાણીએ એમબીબીએસની ડીગ્રી મેળવીને સરકારી હોસ્પિટલમાં ફરજ પર

ખંભાળિયા તાલુકાના સલાયા ગામના મૂળ રહીશ અને હાલ ખંભાળિયા સ્થાયી થયેલા સેવાભાવી નિલેશભાઈ કાનાણીની સુપુત્રી પાયલ કાનાણીએ થોડા સમય પૂર્વે ધોરણ 12 સાયન્સમાં નોંધપાત્ર ટકાવારી સાથે મેડિકલ વિભાગમાં એડમિશન મેળવ્યું હતું. ગોધરા સ્થિત મેડિકલ કોલેજમાં પાયલ કાનાણીએ પોતાનું એમ.બી.બી.એસ.નો અભ્યાસક્રમ સફળતાપૂર્વક પૂર્ણ કરી અને ગુજરાત સરકારના આરોગ્ય વિભાગ દ્વારા કરવામાં આવેલી બોન્ડેડ ડોક્ટરોની ભરતી પ્રક્રિયામાં તા. 1 ઓગસ્ટથી સામેલ થઈ અને ખંભાળિયામાં મેડિકલ ઓફિસર તરીકે તેમને ચાર્જ સંભાળ્યો છે.

ખંભાળિયાના સામાન્ય પરિવારની પુત્રીએ મેડિકલની ઉચ્ચ ડિગ્રી મેળવવાના દ્રઢ નિર્ધાર તેમજ કારકિર્દી પ્રત્યેક તેમની ઝંખનાએ તેણીને આ તબક્કે આ પરિણામ સુધી લાવ્યા છે. ડો. પાયલ નિલેશભાઈ કાનાણીને આ સિદ્ધિ બદલ રઘુવંશી જ્ઞાતિ તેમજ કાનાણી કુટુંબનું ગૌરવ વધારતા શુભકામનાઓ પાઠવવામાં આવી રહી છે.