મહાપાલિકાના એસ્ટેટ વિભાગ અને દબાણ હટાવ સેલની ટીમ દ્વારા ગઈકાલે શહેરના નવાપરા વિસ્તારમાથી અડચણરૂપ દબાણો હટાવી માલ સામાન જપ્ત કરી  જાહેર રોડ તેમજ જાહેર સ્થળે નડતરરૂપ મુકાયેલા વાહનોને લોક ઠપકારી સ્થળ પર જ દંડ વસુલાયા બાદ આજે શુક્રવારે શહેરના સિન્ધુનગર વિસ્તારમાં એસ્ટેટ વિભાગ અને દબાણ હટાવ સેલની ટીમ દ્વારા અડચણરૂપ દબાણો સામે કાર્યવાહી હાથ ધરી હતી. જેમાં જાહેર રોડ પરથી લારી તેમજ કેબીનો સહિતના નાનામોટા અસ્થાયી  દબાણો હટાવી માલસામાન જપ્ત કરાયો હતો. એસ્ટેટ વિભાગ અને દબાણ હટાવ સેલની કાર્યવાહીના પગલે દબાણકર્તાઓમાં દોડધામ મચી હતી. કેટલાક દબાણ કર્તાઓએ તંત્રની ટીમ જોઈ જાતેથી જ દબાણ હટાવી લીધું હતું. તો કેટલાકે કાર્યવાહીનો વિરોધ પણ કર્યો હતો. જો કે દબાણ કર્તાઓના વિરોધ વચ્ચે એસ્ટેટ વિભાગ અને દબાણ હટાવ સેલની ટીમ દ્વારા કામગીરી જારી રાખી હતી.