હાલારમાં પ્રથમ ત્રણ દિવસ દરમિયાન કુલ વીજ ચોરીનો આંકડો ૧ કરોડ ૨૦ લાખને પાર પહોંચ્યો

જામનગર પીજીવીસીએલ ની વર્તુળ કચેરી દ્વારા ગત  સોમવાર થી હાલાર ના બન્ને જિલ્લાઓ માં ફરી થી વિજ ચેકિંગ શરૂ કરવામાં આવ્યું છે, જેમાં આજે ત્રીજા દિવસે  રૂ.૫૬.૩૦ લાખ ની વીજ ચોરી ઝડપાઈ હતી. આમ ત્રણ દિવસમાં કુલ  રૂ.૧૨૦.૪૮ લાખ ની વીજ ચોરી ઝડપાઈ હતી.
જામનગર પીજીવીસીએલ વર્તુળ કચેરી દ્વારા પખવાડિયાના વિરામ પછી સોમવાર થી પુન: વીજ ચેકિંગ શરૂ કરી દેવાયું હતું, અને આજે ત્રીજા દિવસે  ૬૧ જેટલી ચેકિંગ ટુકડીને દોડતી કરાવાઈ હતી. જામનગર  શહેર નાં દરબારગઢ, ગુલાબ નગર, હાપા., પટેલ કોલોની, ગાંધીનગર, મોમાઈનગર, ધરારનગર,  નીલકમલ સોસાયટી, ક્રિષ્ના પાર્ક સહિત નાં વિસ્તાર ઉપરાંત કલ્યાણપુર તાલુકા નાં ભાટિયા, ગઢકા પટેલકા ગામમાં વિજ ચેકીંગ ટુકડીને ઉતારવામાં આવી હતી,  અને આજે સમગ્ર દિવસ દરમિયાન  ૫૮૩ વીજ જોડાણ ચેક કરવામાં આવ્યા હતા.
જે પૈકી ૧૧૭ વિજ જોડાણ માં વિજ ચોરી થતી હોવાનું માલુમ પડયું હતું, અને તેઓને ૫૬.૩૦ લાખના પુરવણી બિલો ફટકારવામાં આવ્યા છે.
 આમ સતત ત્રણ  દિવસ મા કુલ રૂ. ૧૨૦.૪૮ લાખ ની વીજ ચોરી ઝડપી લેવા મા આવી છે.