પીજીવીસીએલની ટીમે સતત ૩૬ કલાકથી વધુ કામગીરી કરીને વીજ પુરવઠો પુનઃ કાર્યરત કર્યો

ખંભાળિયામાં રવિવારે ૧ થી ૯ ઈંચ વરસાદથી ૨૩ ગામડાઓમાં વીજ ખોરવાઈ ગયો હતો. વરસાદ બંધ થતા જ જીલ્લાની પીજીવીસીએલની  ટીમોએ યુધ્ધના ધોરણે રિપેરીંગ કામ કરી તમામ ગામોમાં વીજ પૂરવઠો પુનઃ ચાલુ કર્યો હતો.

ખંભાળિયામાં પડેલા ભારે વરસાદને કારણે તેમજ અન્ય વિસ્તારમાં આવેલ વરસાદને કા૨ણે ૨૩ ગામોમાં વીજ પુરવઠો ખોરવાયો હતો. જ્યોતિગ્રામના ૭ ફીડર અને ૨૮ ખેતીવાડી ફીડરમાં પુરવઠો ખોરવાતા પીજીવીસીએલની ટેકનિકલ ટીમોએ દરેક ગામોમાં વીજ પુરવઠો પૂર્વવત કરી આપ્યો હતો.

જિલ્લામાં વરસાદને કારણે કુલ ૨૩ જેટલા ગામોમાં વીજપુરવઠો ખોરવાયો હતો. આ તમામ ગામોમાં પીજીવીસીએલની ટીમોએ વીજ પુરવઠો પૂર્વવત કરવા માટે ૩૬ કલાક સુધી સતત જહેમત ઉઠાવી હતી. જિલ્લામાં વરસાદને કારણે ગામોમાં 12 વીજ થાંભલા પડી ગયા હતા અને અમુક ફીડર પણ બંધ થયા હતા. હાલ વીજ પુરવઠો પુનઃ શરૂ કરી આપવામાં આવ્યો છે.