ધનતેરસ અને દિવાળીના પવિત્ર તહેવારો નજીક છે અને ધન, વૈભવ, સુખ, શાંતિની દેવી શ્રી મહાલક્ષ્મી માતાજીને વધાવવા પોરબંદરના ડ્રીમલેન્ડ સિનેમા નજીક આવેલ શ્રી મહાલક્ષ્મી માતાજીના મંદિરને તથા સમગ્ર સંકુલને રોશનીથી શણગારવામાં આવ્યું છે તેમજ આજુબાજુના વિસ્તારમાં પણ રોશની કરવામાં આવી છે.લોકોની ભીડ અત્યારથી જ઼ મંદિર ખાતે માતાજીના દર્શન માટે ઉમટી પડી રહી છે.અહીંયા દિવાળીના ઉત્સવના દિવસો દરમિયાન ૧૦૧ યુગલો દ્વારા ધનતેરસના દિવસે માતાજીનું પુજન અને મહાઆરતી ઉપરાંત ૫૫ લાખની ચલણી નોટોના દર્શનનું આયોજન કરવામાં આવ્યું છે તે ઉપરાંત મંદિર ખાતે ૨૧૦૦૦ જેટલી કંકુની ડબ્બી તૈયાર કરવામાં આવી છે જે સૌભાગ્યવતી સ્ત્રીઓને સંપુર્ણપણે વિનામુલ્યે પ્રસાદી‚પે આપવામાં આવશે. સમગ્ર આયોજન  મંદિરના ટ્રસ્ટી મંડળ દ્વારા સુંદર રીતે થઈ રહ્યું છે.