ઇન્સ્ટાગ્રામ પર ખૂબ પોપ્યુલર કે પોપ આઈડલ વોનયોંગ પોર્ન વીડિઓના લીધે ચર્ચામાં
20 વર્ષની એક પ્રખ્યાત સ્ટાર સોશિયલ મીડિયા પર ખૂબ જ ટ્રેન્ડ કરી રહી છે. તેનું કારણ છે તેનો ડીપફેક પોર્ન વીડિયો.સોશિયલ મીડિયા પર તેના લાખો ફોલોઅર્સ છે.
સાઉથ કોરિયાની એક સ્ટાર તેના અશ્લીલ ડીપફેક વીડિયોને કારણે ચર્ચાઓમાં આવી ગઈ છે. સાઉથ કોરિયાની આ સ્ટાર માત્ર 20 વર્ષની છે અને સોશિયલ મીડિયા પર લાખો લોકો તેને ફોલો કરે છે. ઉલ્લેખનીય છે કે પહેલા પહેલા પણ સેલેબ્સના ફેક વીડિયો ખૂબ વાયરલ થયા છે. જ્યારે હવે ડીપફેક વીડિયો ટ્રેન્ડમાં છે. અત્યાર સુધીમાં બોલિવૂડની ઘણી જાણીતી સુંદરીઓના ડીપફેક વીડિયો વાયરલ થયા છે. પરંતુ હવે સાઉથ કોરિયાની એક સ્ટારનો ડીપફેક પોર્ન વીડિયો વાયરલ થયો છે.
કે પોપ આઈડલ વોનયોંગ હાલ તેના ડીપફેક પોર્ન વીડિયોના કારણે ચર્ચાઓમાં આવી ગઈ છે. અશ્લીલ ડીપફેક વીડિયો ‘NTH રૂમ’ને કારણે કે પોપ આઈડલ વોનયોંગ સોશિયલ મીડિયા પર ટ્રેન્ડ કરી રહી છે. કહેવામાં આવી રહ્યું છે કે તેનો અશ્લીલ ડીપફેક વીડિયો ઘણી સાઈટ પર વાયરલ થઈ રહ્યો છે. જો કે હજુ સુધી આ મામલે વોનયોંગ તરફથી કોઈ નિવેદન આવ્યું નથી.
વોનયોંગ એક પ્રખ્યાત ગાયક અને કે-પૉપ આઈડલ છે. પ્રોડ્યુસ 48 જીત્યા બાદ ચર્ચાઓમાં આવેલી વોનયોંગ હાલમાં પ્રોજેક્ટ ગર્લ ગ્રૂપમાં જોડાયા બાદ કે-પૉપ ગ્રુપ 'આઈવીઈ રી'નો એક ભાગ છે. સાઉથ કોરિયન સ્ટારનું ઇન્સ્ટાગ્રામ પર જોરદાર ફોલોઈંગ છે. તેને ઇન્સ્ટાગ્રામ પર 1 કરોડ 30 લાખ (13 મિલિયન) લોકો ફોલો કરે છે.
આર્ટિફિશિયલ ઈન્ટેલિજન્સની મદદથી ડીપફેક વીડિયોનું ચલણ નોંધપાત્ર રીતે વધી ગયું છે. ડીપફેકનો અર્થ એ છે કે સેલિબ્રિટીના ફોટો અને વીડિયો સાથે છેડછાડ કરીને તેને એવી રીતે તૈયાર કરવામાં આવે છે કે સાચા-ખોટાની ઓળખ કરવી પણ મુશ્કેલ બની જાય છે. સેલેબ્સના અવાજ સાથે ચેડા કરીને પણ ડીપફેક વીડિયો વાયરલ કરવામાં આવી રહ્યા છે.