ગણેશોત્સવની ઉજવણી નિમિત્તે રાણાવાવ ખાતે શાંતિ સમિતિની બેઠક મળી હતી. રાણાવાવ શહેરમાં ગણેશ ઉત્સવ સમિતિ દ્વારા ઉજવણી માટે તડામાર તૈયારીઓ ચાલી રહી છે ત્યારે રાણાવાવ તાલુકાના પોલીસ સ્ટેશન ખાતે પોલીસ ઇન્સ્પેકટર એન.એન. તળાવીયાએ તહેવાર દરમ્યાન કોઈ પણ અનિચ્છનીય ઘટના ન બને તે માટે શાંતિ સમિતિની બેઠક બોલાવી હતી જેમાં વિવિધ સમાજનાં આગેવાનો હાજર રહ્યા હતા.જેમાં શહેરના વિવિધ વિસ્તારોમાં થતાં ગણેશ સ્થાપનોની આયોજકો પાસેથી વિગતો મેળવી હતી.સમય સ્થળ,કાર્યક્રમ દર્શનાર્થીઓની હાજરી અને વ્યવસ્થાની જાળવણી માટે ચર્ચા- વિચારણા કરવામાં આવી હતી. આ બેઠકમાં પી.એસ.આઈ વાઘેલા તાલુકા પંચાયતના પૂર્વ પ્રમુખ સામતભાઈ મોઢવાડીયા, શહેર ભાજપ પૂર્વ પ્રમુખ ભોજાભાઈ જાદવ ઉપ પ્રમુખ કિરીટભાઈ બાપોદરા, મકસુદ મિયા, શૌકતઅલીબાપુ , સુલેમાનભાઈ સામાજિક કાર્યકર બાબુભાઈ ચૌહાણ,નિલેશભાઈ વઢવાણા, આશિષભાઈ અમલાણી, ભાવિનભાઈ પિત્રોડા દિવ્યેશભાઈ મેઘનાથી,જીતુભાઈ વારા અને હરિશભાઈ ગાધેર વગેરે આગેવાનો હાજર રહ્યા હતા.