જુના બંદરે બોટના ચેકીંગ ડ્રાઇવમાં મરીન પોલીસે પકડી પાડયો

જામનગર જીલ્લાના દરીયાઇ વિસ્તારમાં ટોકન વગર ફીશીંગ કરતા ઇસમ વિરુઘ્ધ મત્સ્ય ઉધોગ અધિનિયમ મુજબ કાયદેસરની કાર્યવાહી બેડી મરીન પોલીસ દ્વારા કરવામાં આવી છે.

જીલ્લામાં મત્સ્યોધોગ અધિનીયમની જોગવાઇઓનો ભંગ કરતા ઇસમો વિરુઘ્ધ કાયદેસરની કાર્યવાહી કરવા ખાસ ડ્રાઇવ રાખવા કોસ્ટલ સિકયુરીટી ગાંધીનગરના પોલીસ અધિક્ષક સુબોધ ઓડેદરા દ્વારા સુચના કરવામાં આવી હોય દરમ્યાન એસપી પ્રેમસુખ ડેલુના માર્ગદર્શન હેઠળ આ દિશામાં તપાસ હાથ ધરી હતી.

દરીયાઇ પેટ્રોલીંગ બોટો ચેકીંગ કરવા તા. 12 થી 31 સુધીની જામનગર જીલ્લાના દરીયા કાંઠા વિસ્તારમાં ડ્રાઇવ અનુસંધાને ડીવાયએસપી ઝાલાના માર્ગદર્શન હેઠળ તા. 16ના રોજ બેડી મરીન પીએસઆઇ પટેલ અને સ્ટાફ દ્વારા જુના બંદર જેટી પર માછીમારી કરીને પરત આવતી બોટોનું ચેકીંગ કરવામાં આવી રહયુ હતું.

જે દરમ્યાન એક બોટ અનઅધિકૃત રીતે ટોકન વગર માછીમારી કરવા ગઇ હોવાનું સામે આવતા બોટના ટંડેલ મહમદઅવેશ કાસમ ચાવડા રહે. બેડી થરી વિસ્તાર વિરુઘ્ધ મરીન પોલીસમાં ગુજરાત મત્સ્યોધોગ અધિનીયમ 2003ની કલમ મુજબ ફરીયાદ દાખલ કરવામાં આવી હતી.