ઘણા સેલેબ્સ ડીપફેક વીડિયોનો શિકાર બની રહ્યા છે એવામાં હવે અક્ષય કુમાર પણ આ સમસ્યામાં ફસાયા છે. સોશિયલ મીડિયા અક્ષય કુમારનો ડીપફેક વીડિયો પર વાયરલ થઈ રહ્યો છે.વીડિયોમાં અક્ષય કુમારના ચહેરા અને અવાજનો ઉપયોગ કરવામાં આવ્યો છે. ડીપફેક વીડિયો દ્વારા એક ગેમ એપ્લિકેશનને પ્રમોટ કરવામાં આવી છે.  

બોલિવૂડ ઈન્ડસ્ટ્રીનો એક્શન સ્ટાર અક્ષય કુમાર આ દિવસોમાં તેની ફિલ્મ 'બડે મિયાં છોટે મિયાં'ને લઈને ચર્ચામાં છે. અક્ષય કુમારની આ ફિલ્મને લઈને હંમેશા કોઈને કોઈ અપડેટ આવતી રહે છે. અક્ષય કુમારની વર્ષ 2024ની આ પહેલી ફિલ્મ હશે જે સિનેમાઘરોમાં રિલીઝ થશે. ફિલ્મ 'બડે મિયાં છોટે મિયાં' આ વર્ષે ઈદ પર સિનેમાઘરોમાં આવવા જઈ રહી છે. આ દરમિયાન અક્ષય કુમારનો ડીપફેક વીડિયો સોશિયલ મીડિયા પર ઝડપથી વાયરલ થઈ રહ્યો છે. 

ઘણા સેલેબ્સ ડીપફેક વીડિયોનો શિકાર બની રહ્યા છે, ત્યારે બોલિવૂડના ખિલાડી કુમાર અક્ષય કુમાર પણ આ સમસ્યામાં ફસાયા છે. વાયરલ થયેલ આ ડીપફેક વીડિયોમાં અક્ષય કુમારના ચહેરા અને અવાજનો ઉપયોગ કરીને એક ગેમિંગ એપનો પ્રચાર કરવામાં આવ્યો છે. સૂત્રોએ જણાવ્યું કે, 'અક્ષયે ક્યારેય આવા કોઈ અભિયાનમાં ભાગ લીધો નથી. આ વીડિયોના સ્ત્રોતની તપાસ કરવામાં આવી રહી છે અને ખોટી જાહેરાત માટે અભિનેતાની ઓળખનો દુરુપયોગ કરવા બદલ કાનૂની કાર્યવાહી ચાલી રહી છે.' 

નવેમ્બર 2023માં પહેલી વખત ડીપફેક વીડિયોનો શિકાર અભિનેત્રી રશ્મિકા મંદના બની હતી. આ પછી આલિયા ભટ્ટ, કાજોલ, કેટરિના કૈફ, નોરા ફતેહીના ડીપફેક વીડિયો સોશિયલ મીડિયા પર વાયરલ થયા હતા. હવે અક્ષય કુમારનો લેટેસ્ટ ડીપફેક વીડિયો વાયરલ થઈ રહ્યો છે. આ વીડિયોમાં અક્ષય કુમારના અવાજ અને ચહેરાનો ઉપયોગ કરીને એક ગેમ એપ્લિકેશનને પ્રમોટ કરવામાં આવી છે. કહેવામાં આવી રહ્યું છે કે અક્ષય કુમારના આ ડીપફેક વીડિયો બાદ ફરિયાદ નોંધવામાં આવી છે.  

એક રિપોર્ટ અનુસાર સોશિયલ મીડિયા હેન્ડલ અને કંપની વિરુદ્ધ આ નકલી વીડિયો બનાવવા અને વાયરલ કરવા બદલ સાયબર ફરિયાદ દાખલ કરવામાં આવી છે.' એઆઈ-જનરેટેડ વીડિયોમાં અક્ષય કુમાર કહેતો જોવા મળે છે, 'શું તમને પણ ગેમ રમવી પસંદ છે? હું તમને સલાહ આપું છું કે તમે આ એપ્લિકેશન ડાઉનલોડ કરો અને એવિએટર ગેમ અજમાવો. આ વર્લ્ડવાઈડ લોકપ્રિય સ્લોટ છે અને દરેક લોકો અહીં ગેમ રમે છે.' હાલ આ વિડીયો ઘણો વાયરલ થઈ રહ્યો છે.  

વર્ક ફ્રન્ટની વાત કરીએ તો અક્ષય કુમાર પાસે ઘણી મોટી ફિલ્મો છે. અક્ષય કુમારના ચાહકો તેમના પ્રિય અભિનેતાની આ ફિલ્મોની આતુરતાથી રાહ જોઈ રહ્યા છે. અક્ષય કુમાર 'બડે મિયાં છોટે મિયાં', 'સ્કાય ફોર્સ', 'વેલકમ ટુ ધ જંગલ', 'હેરા ફેરી 3' અને 'વેદત મરાઠે વીર દૌડલે સાત' જેવી ફિલ્મોમાં કામ કરતો જોવા મળશે. તે જ સમયે, અક્ષય કુમાર ફિલ્મ 'સિંઘમ અગેન'માં કેમિયો કરતો જોવા મળ્યો હતો. જણાવી દઈએ કે અક્ષય કુમાર છેલ્લે વર્ષ 2023માં સિનેમાઘરોમાં રિલીઝ થયેલી ફિલ્મ 'મિશન રાનીગંજ'માં જોવા મળ્યો હતો.