સલાયા નગરપાલિકાની ચૂંટણી જાહેર થઈ ગઈ છે. તમામ રાજકીય પક્ષો ચૂંટણીની તૈયારીઓમાં લાગી ગયા છે. જેમાં ભાજપ, કોંગ્રેસ, આપ તેમજ AIMIM પાર્ટી ઉમેદવારોના ફોર્મ ભરવાની તૈયારીઓ કરી રહ્યા છે.

હાલ નગરપાલિકા સલાયા માટે એક પણ ફોર્મ ભરીને રજૂ થયું નથી. હાલ ચારેય પક્ષો પોતપોતાના ઉમેદવારોની ફોર્મ ભરવાની તૈયારીમાં લાગી ગયા છે. જેમાં દરેક પક્ષો જ્ઞાતિ સમીકરણો તેમજ વસ્તીના આધારે ઉમેદવારો નક્કી કરી રહ્યા છે. કદાચ સલાયામાં પહેલી વાર એવું બનશે કે મોટા ચાર રાજકીય પક્ષોના ઉમેદવારો ચૂંટણી લડશે. જેમાં ભાજપ, કોંગ્રેસ અને આપ નેશનલ પાર્ટી છે.

આમ સલાયામાં ચૂંટણીનો રંગ બરોબર જામ્યો છે. રાજકીય પક્ષોના કદાવર નેતાની અવરજવર સલાયામાં વધી છે. દરેક પક્ષો પોતાની સૂઝબૂઝ અને સ્થાનિક પક્ષના હોદ્દેદારોના અનુભવ મુજબ અને જ્ઞાતિ સમીકરણોના આધારે ઉમેદવારો નક્કી કરી રહ્યા છે. આમ હાલ ત્રીજા દિવસ સુધી એક પણ ફોર્મ રજૂ થયેલ નથી. આવતીકાલથી ફોર્મ રજૂ થાય એવું લાગી રહ્યું છે.