જો ચહેરા પર ગોલ્ડન ગ્લો ઇચ્છતા હોય અને તેના માટે પાર્લરમાં જવાનું વિચારી રહ્યા છો, તો આ જાણી લો કે ફેશિયલ ઘરે પણ કરી શકાય છે. ગોલ્ડન ફેશિયલ કરવા માટે કેટલાક સરળ અને અસરકારક ઘરેલું ઉપાયો છે, જે 1 અઠવાડિયામાં ચહેરાને ચમકાવશે. ગોલ્ડન ગ્લો મેળવવા માટે 7 દિવસનું બ્યુટી રૂટિન ફોલો કરવું જોઈએ, જે આ મુજબ છે:

• ગોલ્ડન ફેશિયલ માટે સામગ્રી

૧ ચમચી મધ, ૨ ચમચી દૂધ, ૧ ચપટી હળદર, ચંદન પાવડર, ૧ વિટામિન ઇ કેપ્સ્યુલ અને ગોલ્ડન સીરમ (જો હોય તો).

પહેલો દિવસ

આ દિવસે ચહેરાને સારી રીતે સાફ કરો અને દૂધમાં મધ ભેળવીને 10 મિનિટ માટે ચહેરા પર લગાવો. પછી ફેસ વાઇપ્સથી ચહેરો સાફ કરો. જે ચહેરાને પૂરતું પોષણ આપશે.

બીજા દિવસે

હવે બીજા દિવસે દૂધમાં હળદર મિક્સ કરો અને સ્ક્રબ તૈયાર કરો. આનાથી ચહેરા પર જામેલી બધી ગંદકી દૂર થઈ જશે. આ પેસ્ટથી ચહેરા પર 5 મિનિટ સુધી ઘસવું પડશે અને પછી ચહેરાને સાફ કરવો પડશે. તે ત્વચાને ઠંડક આપશે.

ત્રીજો દિવસ

આ દિવસે હળદર અને દૂધનો ફેસ પેક તૈયાર કરવાનો છે અને તેને ચહેરા પર 20 મિનિટ સુધી લગાવવાનો છે. એ પછી ચહેરાને હુંફાળા પાણીથી સાફ કરો.

ચોથો દિવસ

આ દિવસે ચહેરા પર ગોલ્ડ સીરમ લગાવવું પડશે અને ત્વચા પર હળવા હાથે માલિશ કરવી પડશે. જે ત્વચાને ભેજ આપશે અને તેની ચમક પણ જાળવી રાખશે.

પાંચમો દિવસ

ચહેરા પર હળવું તેલ લગાવો અને માલિશ કરો. આનાથી ત્વચા ભેજવાળી રહેશે.

છઠ્ઠા દિવસે

વિટામિન E કેપ્સ્યુલને આખી રાત લગાવી રાખો. આનાથી ત્વચાને પૂરતું પોષણ મળશે. જેના કારણે ત્વચા પર કોમળતા જળવાઈ રહેશે.

સાતમા દિવસે

આ દિવસે હળદર અને ચંદનનો પેક લગાવીને કોમળ અને યુવાન ત્વચા મેળવી શકો છો.