મેટોડા જીઆડીસી પોલીસ મથકના સ્ટાફે અહીં લોધિકા તાલુકાના હરિપર પાળ ગામે આવેલા મહિલાના મકાનમાં દરોડો પાડી અહીં જુગાર રમતા નવ મહિલાઓને ઝડપી લીધી હતી.પોલીસે પટમાંથી .૬૫,૮૫૦ ની રોકડ કબજે કરી કાયદેસરની કાર્યવાહી કરી હતી.
જુગારના આ દરોડાની જાણવા મળતી વિગતો મુજબ,મેટોડા જીઆઇડીસી પોલીસ મથકનો સ્ટાફ પેટ્રોલીંગમાં હતો દરમિયાન મળેલી બાતમીના આધારે અહીંના હરિપર પાળ જુના ગામમાં રહેતા દિપાબેન પરમારના મકાનમાં દરોડો પાડી અહીં જુગાર રમતા નવ મહિલાઓને ઝડપી લીધી હતી.જેમાં દિપાબેન ભાવેશભાઇ પરમાર ઉપરાંત ધનુબેન ભુપતભાઇ રાઠોડ,ભાવનાબેન દિનેશભાઇ પીઠડીયા, મિનાબેન કલ્યાણદાસ અગ્રાવત,શાંતુબેન જશાભાઇ હેરભા,શાંતાબેન લમણભાઇ ઓડેદરા,મુકતાબેન રમેશભાઇ વાઘમશી અને સવિતાબેન પ્રાતપરી ગોસ્વામીનો સમાવેશ થાય છે.પોલીસે પટમાંથી રોકડ . ૬૫,૮૪૦ કબજે કરી કાયદેસરની કાર્યવાહી કરી હતી.

ગોંડલ, છાડવાવદર, મોટી પાનેલીમાં વર્લીના આંકડા લેતા ત્રણ ઝડપાયા
ગોંડલ સિટી બી ડિવિઝન પોલીસ મથકના સ્ટાફે વોરા કોટડા રોડ પર રહેતા સંતોકસીંગ ચરણસીંગ શીખ નામના શખસને જાહેરમાં વર્લી ફિચરના આંકડા લઇ જુગાર રમતા ઝડપી લીધો હતો.પોલીસે તેની પાસેથી રોકડ .૧૦,૭૦૦ કબજે કર્યા હતાં.જયારે ધોરાજી તાલુકા પોલીસે છાડવાવદર ગામે જાહેરમાં વર્લી ફીચરના આંકડા લઇ જુગાર રમતા સંદીપ રસીકભાઇ વાઘેલાને ઝડપી લીધો હતો.આ સિવાય ભાયાવદર પોલીસે મોટી પાનેલી ગામે વર્લી ફીચરના આંકડા લઇ જુગાર રમતા મનોજ દેવજીભાઇ કુડેચાને ઝડપી લઇ તેની સામે જુગારધારાની કલમ હેઠળ ગુનો નોંધી કાયદેસરની કાર્યવાહી કરી હતી.