સાત રસ્તા સર્કલ અને સાધના કોલોનીમાં પોલીસ પ્રગટી

જામનગરમાં સાત રસ્તા સર્કલ પાસે રિક્ષા પાર્ક કરીને ચલણી નોટો ના નંબર પર જુગાર રમી રહેલા ત્રણ રીક્ષા ચાલકોને પોલીસે ઝડપી લીધા છે, અને રોકડ રકમ કબ્જે કરી છે. તેમજ સાધના કોલોનીમાં એકી બેકીનો જુગાર રમતા બે શખ્સ ઝપટમાં આવ્યા હતા.
જામનગરમાં સાત રસ્તા સર્કલ પ્રદર્શન ગ્રાઉન્ડના ખૂણા પાસેથી જાહેરમાં ચલણી નોટો ના નંબર ઉપર એકી બેકી નામનો હારજીતનો જુગાર રમી રહેલા સુભાષપરાના સાજીદ અહેમદ બ્લોચ, કિશાનચોકના ભાવેશ ગોરધનભાઈ નંદા, તેમજ રામેશ્ર્વરના કિરીટસિંહ હાજાજી જાડેજા નામના ત્રણ રિક્ષાચાલકોની પોલીસે અટકાયત કરી લઇ તેઓ પાસેથી રુા. ૧,૨૫૦ની રોકડ રકમ કબજે કરી છે.
આ ઉપરાંત જામનગરના સાધના કોલોની પહેલા ઢાળીયા પાસે ચલણી નોટના નંબર પર એકી બેકીનો જુગાર રમતા હવાઇચોક ભાનુશાળીવાડમાં રહેતા પ્રવિણ ગોરધન કનખરા, નંદનવનપાર્ક ૨માં રહેતા ભરત ઉર્ફે ભીખા વજશી ડાંગરને રોકડ ૨૬૪૦ સાથે સીટી-એ પોલીસે પકડી લીધા હતા.