રિલાયન્સ ઇન્ડસ્ટ્રીઝના માલિક અને એશિયાના સૌથી ધનિક વ્યક્તિ મુકેશ અંબાણીની સંપત્તિમાં એક જ દિવસમાં 5.20 અબજ ડોલરનો વધારો થયો છે. રૂપિયાની વાત કરીએ તો, તેમણે એક જ દિવસમાં લગભગ 44293 કરોડ રૂપિયાની કમાણી કરી. અહીં ડોલરનો દર ૮૫.૧૮ રૂપિયા ગણવામાં આવ્યો છે. આ સાથે મુકેશ અંબાણી આ વર્ષે ભારતના સૌથી ધનિક અબજોપતિ બની ગયા છે.

સોમવારે રિલાયન્સ ઇન્ડસ્ટ્રીઝના શેરમાં થયેલા ઉછાળાને કારણે અંબાણીની સંપત્તિમાં આ ઉછાળો આવ્યો છે. મુકેશ અંબાણી હવે વિશ્વના સૌથી ધનિક લોકોની યાદીમાં એક સ્થાન ઉપર આવીને ૧૬મા સ્થાને પહોંચી ગયા છે. તેમની કુલ સંપત્તિ 99.2 બિલિયન ડોલર સુધી પહોંચી ગઈ છે. બ્લૂમબર્ગ બિલિયોનેર્સ ઇન્ડેક્સમાં સોમવારે અંબાણી સૌથી વધુ કમાણી કરનાર હતા. આ વર્ષે તેમણે પોતાની સંપત્તિમાં ૮.૫૮ બિલિયન ડોલરનો ઉમેરો કર્યો.

અંબાણી પછી, બર્નાર્ડ આર્નોલ્ટે સૌથી વધુ પૈસા ઉમેર્યા, જેમાં 3.18 બિલિયન ડોલરનો ઉમેરો થયો. તેમના પછી, વાંગ નિંગે 1.68 બિલિયન ડોલર અને લેરી એલિસને 1.64 બિલિયન ડોલરની કમાણી કરી.

બ્લૂમબર્ગ બિલિયોનેર્સ ઇન્ડેક્સમાં સોમવારે અંબાણી સૌથી વધુ કમાણી કરનાર હતા.

અંબાણી વિશ્વની સૌથી મોટી ઓઇલ રિફાઇનરી માલિક રિલાયન્સ ઇન્ડસ્ટ્રીઝનું નિયંત્રણ કરે છે. મુંબઈ સ્થિત આ ગ્રુપના અન્ય વ્યવસાયોમાં પોલિમર અને કેમિકલ ઉત્પાદકોનો સમાવેશ થાય છે, અને માર્ચ 2024 સુધીમાં આ ગ્રુપની આવક 100 બિલિયન ડોલરથી વધુ હતી. આ અબજોપતિ મુંબઈ ઈન્ડિયન્સ ક્રિકેટ ટીમના પણ માલિક છે.

અદાણી પણ ધનવાન બન્યા

સોમવારે અદાણી ગ્રુપની કંપનીઓના શેરમાં પણ વધારો જોવા મળ્યો. આ સાથે, અદાણીની કુલ સંપત્તિ પણ 1.48 બિલિયન ડોલર વધીને 77.5 બિલિયન ડોલર થઈ ગઈ. બ્લૂમબર્ગ બિલિયોનેર ઇન્ડેક્સમાં અદાણી હવે 20મા ક્રમે છે. સોમવારે એનવીડીયા ના શેર ઘટવાથી ઝેનશેંગ હુઆંગને 2.02 બિલિયન ડોલરનું નુકસાન થયું. આના કારણે તેમનું રેન્કિંગ ઘટી ગયું અને અંબાણીએ તેમને 17મા સ્થાને ધકેલી દીધા.

સંપત્તિમાં ઉછાળા પાછળનું કારણ

મુકેશ અંબાણીની સંપત્તિમાં ઉછાળા પાછળનું કારણ તેમની કંપની રિલાયન્સ ઇન્ડસ્ટ્રીઝ લિમિટેડના શેર છે. સોમવારે રિલાયન્સ ઇન્ડસ્ટ્રીઝ લિમિટેડના શેર ખરીદવા માટે ધસારો જોવા મળ્યો. એનએસઈ પર રિલાયન્સ ઇન્ડસ્ટ્રીઝના શેર ₹1,374 ની ઇન્ટ્રાડે ઊંચી સપાટીએ પહોંચ્યા. માર્ચ 2025માં પૂરા થયેલા ચોથા ક્વાર્ટરમાં કંપનીના કોન્સોલિડેટેડ ચોખ્ખા નફામાં 2% વધારો થઈને રૂ. 19,407 કરોડ થયાના અહેવાલ પછી આ ઉછાળો આવ્યો, જે દલાલ સ્ટ્રીટના રૂ. 18,471 કરોડના અંદાજ કરતાં વધુ છે. સોમવારે રિલાયન્સ ઇન્ડસ્ટ્રીઝના શેર ૫.૦૭ ટકાના બમ્પર ઉછાળા સાથે રૂ. ૧૩૬૬.૩૦ પર બંધ થયા.