એક અસામાન્ય તબીબી કેસમાં દિલ્હીની સર ગંગારામ હોસ્પિટલના ડોકટરોએ 32 વર્ષીય મહિલાના પિત્તાશયમાંથી 1500 થી વધુ પથરીઓ કાઢવામાં સફળતા મેળવી છે. આ મહિલા એક આઈટી કંપનીમાં કામ કરે છે અને છેલ્લા કેટલાક મહિનાઓથી નિયમિતપણે જંક ફૂડ અને ઓઈલી ફૂડનું સેવન કરતી હતી. આ બિનઆરોગ્યપ્રદ આહારને લીધે, તેને ઘણી વાર પેટનું ફૂલવું અને ભારેપણું લાગતુ હતુ. આ સમસ્યાઓથી રાહત મેળવવા માટે તે ડૉક્ટરની સલાહ વિના નિયમિતપણે એન્ટાસિડ દવાઓ લેતી હતી.
કેટલાક સમયથી મહિલાને તેના પેટના જમણી બાજુએ ઉપરના ભાગમાં દુખાવો પણ થઈ રહ્યો હતો, જે ક્યારેક તેની પીઠ અને જમણા ખભા સુધી ફેલાય ગયો હતો. આ પીડા ઘણીવાર ઉબકા અને ઉલટી સાથે થતી હતી. અસહ્ય પીડાને કારણે તેણીએ તેના ફેમિલી ડોક્ટરનો સંપર્ક કર્યો. જેમણે અલ્ટ્રાસાઉન્ડ કરાવવાની સલાહ આપી. તપાસ દરમિયાન જાણવા મળ્યું કે તેનું પિત્તાશય પથરીથી ભરેલું હતું.
હોસ્પિટલના લેપ્રોસ્કોપિક અને જનરલ સર્જરી વિભાગના સિનિયર કન્સલ્ટન્ટ અને વાઈસ-ચેરમેન ડૉ. મનીષ કે ગુપ્તાની આગેવાની હેઠળની સર્જિકલ ટીમે મહિલાના પેટમાં 10 એમએમ અને 5 એમએમ ચીરો કર્યા અને પિત્તાશયને દૂર કર્યું.
ખરાબ જીવનશૈલી વધારી રહી છે જોખમ
બદલાતી જીવનશૈલી, ખાસ કરીને લાંબા સમય સુધી ન ખાવું અને લાંબા અંતરાલ પછી ખાવાથી પિત્તનો સંચય થાય છે. જેનાથી પિત્તાશયની સમસ્યા વધે છે. તેમણે એમ પણ કહ્યું કે પથરી નાની હોય તો પણ તે પિત્ત નળીમાં પ્રવેશી શકે છે અને કમળો અને સ્વાદુપિંડનું કારણ બની શકે છે. એ જ રીતે જો મોટી પથરીની સારવાર ન કરવામાં આવે તો તે લાંબા સમય સુધી પિત્તાશયમાં રહે તો તે પિત્તાશયના કેન્સર તરફ દોરી શકે છે.
ડોક્ટરની સલાહ વિના દવા ન લો
આ કિસ્સો એ હકીકતનું ઉદાહરણ છે કે બિનઆરોગ્યપ્રદ આહાર અને તબીબી સલાહ વિના દવાઓ લેવાથી શારીરિક સમસ્યાઓ થઈ શકે છે. નિષ્ણાતો સલાહ આપે છે કે પેટમાં કોઈપણ પ્રકારની પીડાને અવગણશો નહીં અને ડૉક્ટરની સલાહ લો. આ ઉપરાંત તંદુરસ્ત અને સંતુલિત આહાર લેવો અને નિયમિત કસરત કરવી પણ મહત્વપૂર્ણ છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationવડોદરા હિટ એન્ડ રન ઘટસ્ફોટ: રક્ષિત ચૌરસિયાએ ગાંજો પીને સર્જ્યો હતો અકસ્માત
April 04, 2025 09:12 PMજામનગર મહાનગરપાલિકાની એસ્ટેટ શાખા દ્વારા ગુલાબનગર રોડ પર કરાયેલ ગેરકારે દબાણ દૂર કરવામાં આવ્યું
April 04, 2025 06:36 PMઅમદાવાદમાં વકફ સુધારા બિલનો વિરોધ, ‘સરમુખત્યારશાહી નહીં ચાલે’ના સુત્રોચ્ચાર, 50ની અટકાયત
April 04, 2025 05:52 PMઘરે જ સ્ટીમ ફેશિયલથી મેળવો ચમકતી ત્વચા, નહિ રહે પાર્લરમાં જવાની જરૂર
April 04, 2025 05:06 PMCopyright © 2022-2023 Aajkaal Daily
Developed by Rhythm Infotech