પોરબંદરમાં ન્યુડ વીડિયોકોલ સહિત સોશ્યલ મીડિયાના માધ્યમથી લોકોને ફસાવાયા હોય તેવા છ અરજદારોના ચાર લાખથી વધુ ‚પિયા ગુમાવ્યા હતા. જે પોલીસે પરત અપાવ્યા છે.
પોલીસ મહાનિરિક્ષક નિલેશ જાજડીયા જુનાગઢ રેન્જ તથા પોરબંદર પોલીસ અધિક્ષક ભગીરથસિંહ જાડેજાની સુચના મુજબ તથા મદદનીશ અધિક્ષક સાહિત્યા વી.ના માર્ગદર્શન હેઠળ પોરબંદર જિલ્લામાં બનતા સાઇબર ક્રાઇમના ગુન્હાઓના તાત્કાલિક નિરાકરણ અનુસંધાને પોરબંદર જિલ્લામાં બનતા સાઇબર ફ્રોડ બનાવો જેવા કે ઓનલાઇન ટીકીટ બુકીંગ અને ઓનલાઇન ક્રેડીટકાર્ડ/ ડેબીટકાર્ડ ગીફ્ટ ફ્રોડ ફાઇનાન્સીયલ ફ્રોડ તથા ફેસબુક, ઇન્સ્ટાગ્રામ તથા ન્યુડ વિડીયો કોલ તથા ગુગલ કસ્ટમર કેરના નામે ફરીયાદી, અરજદારો સાથે ફ્રોડના બનાવ બનેલ જે પૈકી કુલ છ અરજદારોને ‘તેરા તુઝકો અર્પણ’ કાર્યક્રમ અંતર્ગત ફરીયાદી, અરજદારોને અત્યાર સુધીમાં ‚ા. ૪,૦૩,૮૪૯ પરત અપાવવામાં આવેલ.
આથી પોરબંદર સાઇબર ક્રાઇમ પોલીસ સ્ટેશન દ્વારા જાહેર જનતાને અપીલ કરવામાં આવે છે કે ઓનલાઇન ટિકિટ બુકીંગ અને ઓનલાઇન ક્રેડીટ કાર્ડ, ડેબીટકાર્ડ ફાઇનાન્સીયલ ફ્રોડ તથા ફેસબુક ઇન્સ્ટાગ્રામ તથા ન્યૂડ વિડીયો કોલ તથા ગુગલ પરથી કસ્ટમર કેર નંબર મેળવતા સમયે ખરાઇ કરવી અને હંમેશા જે તે કંપની, બેંકની ઓફિશિયલ વેબસાઇટ પરથી જ કસ્ટમર કેર નંબર મેળવવાનો આગ્રહ રાખવો તેમજ કોઇપણ અજાણ્યાના કહેવા પર રીમોટ ડેસ્કટોપ શેરીંગ એપ્લીકેશન જેવી કે ટીમ વ્યુઅર, એનીડેસ્ક, અવ્વલ ડેસ્ક વગેરે જેવી ડાઉનલોડ કરવી નહી.
આ કામગીરીમાં પોરબંદર સાઇબર ક્રાઇમ પોલીસ સ્ટેશનના પોલીસ ઇન્સ્પેકટર કે.એમ. પ્રિયદર્શી, એ.એસ.આઇ. એ.આર. ચૌહાણ, એ.એસ.આઇ. કે.બી. ઓડેદરા, હેડકોન્સ્ટેબલ વી.પી. દીક્ષિત, હેડકોનસ્ટેબલ  કે.સી. વાઘેલા, વુમન પોલીસ કોન્સ્ટેબલ અંજનાબેન બાવનભાઇ, અનઆર્મ્ડ પોલીસ કોન્સ્ટેબલ જયેશભાઇ જી. મા‚ વગેરે રોકાયેલા હતા.