ભારત સરકારના ગૃહ મંત્રાલયના આદેશ મુજબ, ૦૭-૦૫ ના રોજ તગડી ગામના ઈંઘઈક પ્લાન્ટ ખાતે ડિસ્ટ્રીક્ટ સિવિલ ડિફેંસ ટીમ દ્વારા એક મોક ડ્રીલનું આયોજન કરવામાં આવ્યું હતું, જેમાં કટોકટીની પરિસ્થિતિઓમાં બચવાના હેતુથી એક મોકડ્રીલ હાથ ધરવામાં આવી હતી. પશ્ચિમ રેલ્વેના ભાવનગર રેલવે મંડળની સિવિલ ડિફેંસની ટીમ સાથે ડિસ્ટ્રીક્ટ સિવિલ ડિફેંસની ટીમ, જિલ્લા નિયંત્રણ ટીમ, ફાયર ફાઇટર ટીમ, જિલ્લા પોલીસ વડાએ ઉત્સાહપૂર્વક ભાગ લીધો હતો.
 આ મોક ડ્રીલમાં પ્રાથમિક સારવાર, અગ્નિશામક અને અકસ્માત બચાવ કવાયત હાથ ધરવામાં આવી હતી. ભાવનગર ટર્મિનસ સ્ટેશન ખાતે કેરેજ એન્ડ વર્કશોપ અને પ્લેટફોર્મ નંબર ૦૧ પર રેલવે કર્મચારીઓ અને રેલ મુસાફરોને કટોકટીની પરિસ્થિતિઓમાં, હવાઈ હુમલા અને બ્લેકઆઉટ દરમિયાન લેવાતી સાવચેતીઓ વિશે વિગતવાર માહિતી આપવામાં આવી હતી.