સોગઠી ગામમાંથી ગેરકાયદે રીતે બેલા ભરીને જઈ રહેલા એક ટ્રેક્ટરને કબજે લેવાયું

જામનગર જિલ્લાના જામજોધપુર પંથકમાં ખાણ માફીયાઓ સક્રિય બન્યા છે, જેની સામે જામજોધપુર મામલતદાર ની ટીમેં લાલ આંખ કરી છે, અને મોડી રાત્રે પેટ્રોલિંગ હાથ ધરી સોંગઠી ગામમાંથી ગેરકાયદે રીતે બેલા ભરીને જઈ રહેલા એક ટ્રેક્ટર ચાલકને ઝડપી લીધો છે, અને ખાણ ખનીજ ખાતાને જાણ કરી છે.

જામજોધપુર તાલુકાના સોગઠી ગામના પાટીયા પાસે મામલતદાર શ્રી. વાઘેલા અને તેમની ટીમ દ્વરા બિનઅધિકૃત બેલા ભરેલું ટ્રેક્ટર પકડી પાડી ધોરણસરની કાર્યવાહી હાથ ઘરવામાં આવી છે. તેમજ ખાણ ખનીજ વિભાગને જાણ કરવામાં આવી છે.

જામજોધપુરના મામલતદાર દ્વારા છેલ્લા ઘણા સમય થયા ખનન ચોરી માફીયા સામે ઝુંબેશ આદરી છે, ત્યારે જામનગર જિલ્લાનો ખાણ ખનીજ વિભાગ શું કરે છે, તે હાલ ચર્ચા નો વિષય બન્યો છે.