રાજ્ય પોલીસવડા વિકાસ સહાય દ્વારા રાજ્ય ના તમામ શહેર અને જીલ્લા ના પોલીસ સ્ટેશનમાં નોંધાયેલા ગુનાઓ તેમજ વારંવાર ગુનાઓ આચરતા હોય તેવા ગુનેગારોનું લીસ્ટ તૈયાર કરી કડક કાર્યવાહી કરવા આપેલી સુચના અન્વયે જામનગર જીલ્લા પોલીસ અધિક્ષક પ્રેમસુખ ડેલું ની સુચના થી જીલ્લા ના જુદા-જુદા પોલીસ સ્ટેશન ના સ્ટાફ દ્વારા પોતપોતાના વિસ્તારોમાં નામચીન ગુનેગારો ના ઘરે તપાસના આદેશ આપવામાં આવ્યો હતો.



તે અનુસંધાને ગત રાત્રે, જામનગર સિટી-એ ડિવિઝન પોલીસ સ્ટેશન ના પીઆઇ નિકુંજસિંહ ચાવડા સહિત સ્ટાફ દ્વારા શહેરના સાધના કોલોની વિસ્તારમાં રહેતા લિસ્ટેડ બુટલેગર હિતેષ (ઉર્ફે સાકીડો) સોમાભાઈ ચાવડા, શહેરના ગ્રીન સિટી વિસ્તારમાં આવેલ શાલીગ્રામ હોસ્પિટલ નજીક રહેતા લિસ્ટેડ બુટલેગર દીપક (ઉર્ફે અટાપટુ) જેઠવાણી અને શહેરના ૫૮ દિગ્વિજય પ્લોટ વિસ્તારમાં રહેતા લિસ્ટેડ બુટલેગર દિપક (ઉર્ફે દિપુ સરગમ) ખીચડા ના ઘર ની સરપ્રાઇઝ ચેકીંગ કરવામાં આવી હતી.

આ દરમ્યાન સાધના કોલોની વિસ્તારમાં રહેતા લિસ્ટેડ બુટલેગર હિતેષ (ઉર્ફે સાકીડો) સોમાભાઈ ચાવડા ઘર નજીક એક દેશી દારૂ ની મેહફીલમાં મોજ મારતા ૬ પીધેલા શખ્સો ઝડપાયા હતા.



ત્યારબાદ, ૬ પીધેલા શખ્સો ને સિટી-એ ડિવિઝન પોલીસ સ્ટેશન ખાતે લઈ જવાયા હતા. જામનગર પોલીસ ની આ કડક કાર્યવાહી કરવામાં આવતા ગુનેગારોમાં અને અસામાજિક તત્વોમાં ફ્ફડાટ વ્યાપી ગયો છે.

​​​​​​​