જામનગરમાં મોટરસાયકલ ચોરીનો ગુનો સીટી-એ પોલીસે શોધી કાઢયો છે, એક શખ્સને પકડી પાડી વધુ પુછપરછ કરી હતી.
શહેરમાં વાહનચોરીના અનડીટેકટ ગુના શોધી કાઢવા એસપી દ્વારા સુચના કરવામાં આવતા સીટી-એ પીઆઇ એન.એ.ચાવડાના માર્ગદર્શન હેઠળ પીએસઆઇ એમ.એન. રાઠોડ અને સ્ટાફ પોલીસ સ્ટેશન વિસ્તારમાં પેટ્રોલીંગમાં હતા એ દરમ્યાન સ્ટાફના ઋષીરાજસિંહ જાડેજા તથા રાકેશભાઇ ચૌહાણને અંગત બાતમી મળેલ તેમજ કમાન્ડ ક્ધટ્રોલના સીસી ફુટેજ આધારે આ દિશામાં તપાસ કરતા એક શખ્સ મોટરસાયકલ નં. જીજે૧૦ડીબી-૫૦૨૯ લઇને બેઠક તરફથી નુરી ચોકડી તરફ આવે છે જે હકીકત આધારે પોલીસે જામનગરના તાલુકા પંચાયત રબારી ચોક ખાતે રહેતા વેપાર કરતા દિપક ઉર્ફે પપ્પુ પશુપતીનાથ મુદલીયા નામના મદ્રાસી શખ્સને પકડી લીધો હતો.
મોટરસાયકલ સાથે મળી આવતા આ બાબતે પુછપરછ કરી સીટી-એ ડીવીઝનના ગુનાના કામે કબ્જી કરી વાહનચોરીનો ગુનો શોધી કાઢી આગળની કાર્યવાહી હાથ ધરવામાં આવી હતી.
***
શહેરના એસ.ટી રોડ પરથી મોટરસાયકલની ઉઠાંતરી
જામનગરના એક યુવાનનું એસટી રોડ પરથી મોટરસાયકલ કોઈ તસ્કરો ચોરી ગયાની ફરિયાદ પોલીસમાં નોંધાવાઇ છે.
જામનગરમાં કબીર આશ્રમ રોડ પર ક્રિષ્ના પાર્ક કોલોનીમાં રહેતા અને સફાઈ કામ કરતા વિમલભાઈ તુલસીદાસ નારોલાએ પોતાનું મોટરસાયકલ નં. જીજે૧૦ડીબી-૫૦૨૯ ગત તા. ૧૫ રાત્રીના સુમારે એસટી ડેપો રોડ પર એક ખાનગી હોસ્પિટલ પાસે પાર્ક કર્યું હતું. જ્યાંથી કોઈ શખ્સો બાઈક ચોરી કરી ગયાની સીટી-એમાં ફરિયાદ નોંધાવી છે.