- આજે ગણેશ વિસર્જનનું આયોજન -

ખંભાળિયાના પોસ વિસ્તાર નવાપરા શેરી નં. 6 ખાતે દર વર્ષની જેમ આ વર્ષે પણ નવાપરા યુવક મંડળ દ્વારા ગણેશોત્સવના વિવિધ કાર્યક્રમો યોજવામાં આવ્યા છે. આ આયોજન દરમિયાન રવિવારે સાંજે 6 વાગ્યાથી રાત્રે 11 વાગ્યા સુધી બર્ફાની બાબા અમરનાથની ગુફાના દર્શન યોજવામાં આવ્યા હતા. આકર્ષક રોશની તેમજ સંગીતસભર આ દર્શનનો લહાવો લઈને લોકોએ ધન્યતા અનુભવી હતી. આ સાથે ગઈકાલે સોમવારે સાંજે ફળના અન્નકૂટ દર્શન યોજાયા હતા. આજે મંગળવારે સાંજે ગણપતિ વિસર્જનના પણ વિવિધ કાર્યક્રમો યોજવામાં આવ્યા છે.