જામજોધપુર તાલુકાના બાલવા ગામની સીમમાં ખુલ્લ ા કુવામાં દીપડો પડી ગયો હતો. બનાવની જાણ થતાં વન વિભાગની ટીમ દોડી ગઈ હતી અને રેસ્કયું કરી દીપડાને બહાર કાઢયો હતો. જામજોધપુર પંથકમાં દીપડાના આંટાફેરા હોવાનું લાંબા સમયથી સાંભળવા મળતું હતું પરંતુ દીપડાના સગડ મળતા ન હતા. દરમ્યાન તાલુકાના બાલવા ગામની સીમમાં એક ખેડૂતની વાડીના કુવામાં દીપડો ખાબકયો હતો. આ અંગેની જાણ થતાં વન વિભાગની ટુકડી સાધન સામગ્રી સાથે બાલવા ગામે દોડી ગઈ હતી અને કુવામાં ખાટલો ઉતારી દીપડાનું રેસ્કયું કરી સલામત બહાર કાઢયો હતો. આ વેળા ગામના લોકોનું ટોળું એકઠું થયું હતું.