શરદી અને ખાંસી દરેકને પરેશાન કરી શકે છે. ઠંડીના દિવસોમાં મોટા ભાગના લોકો આ સમસ્યાનો સામનો કરતા હોય છે. આમાં સૌથી મોટી પરેશાની છે વહેતું નાક. આ સમસ્યામાં નાક સાફ કરતી વખતે ઘણી વખત નાકની ત્વચા છોલાઈ જાય છે અને નાકની આસપાસની ત્વચા લાલ અને સૂકી થવા લાગે છે. જે બળતરાનું કારણ પણ બની શકે છે. આવી સ્થિતિમાં, આ સમસ્યાનો સામનો કરવા માટે કેટલીક ટિપ્સ અપનાવી શકો છો.

1) પેટ્રોલિયમ જેલી ઉપયોગી થશે

શિયાળામાં હવા ખૂબ જ શુષ્ક થઈ જાય છે, જેના કારણે ત્વચા શુષ્ક થવા લાગે છે. તે જ સમયે શરદી દરમિયાન વારંવાર નાક સાફ કરવાથી, નાકની આસપાસની ત્વચા પણ ખૂબ જ શુષ્ક થવા લાગે છે, આ પ્રકારની સમસ્યાનો સામનો કરવા માટે, ત્વચામાં ભેજ જાળવી રાખવો જરૂરી છે. આ માટે પેટ્રોલિયમ જેલીનો ઉપયોગ કરો. તેમાં હાઇડ્રેટિંગ ગુણધર્મો છે, જે નાકની આસપાસની ત્વચામાં ભેજ જાળવવામાં મદદ કરે છે. જો નાકની નજીકની ત્વચા છોલાઈ ગઈ હોય તો પણ તેનો ઉપયોગ કરી શકો છો, તે ત્વચાને નરમ રાખશે.

2) બદામનું તેલ લગાવો

બદામના તેલમાં વિટામિન E ભરપૂર માત્રામાં હોય છે. જે ત્વચાને શાંત કરવામાં મદદ કરે છે. શુષ્ક ત્વચા પર આ તેલનો ઉપયોગ કરી શકો છો. તેનાથી શુષ્કતા ઓછી થશે અને બળતરાથી પણ રાહત મળશે. આને રાત્રે સૂતી વખતે નાકની આસપાસ લગાવો. તેને રોજ લગાવવાથી નાકની પાસેની ત્વચા પહેલા જેવી કોમળ બની જશે.

3) એલોવેરા જેલ

એલોવેરા જેલ નાકની આસપાસની શુષ્ક ત્વચાને ઠીક કરી શકે છે. તેમાં રહેલા મોઇશ્ચરાઇઝિંગ અને એન્ટીબેક્ટેરિયલ ગુણો લાલાશ અને શુષ્કતાને ઘટાડી શકે છે. સવારે સ્નાન કરતા પહેલા તેને નાકની આસપાસ લગાવો. તેને દિવસમાં એક કરતા વધુ વખત પણ લગાવી શકો છો. જો ઇચ્છો તો એલોવેરા જેલ સાથે વિટામિન ઇ કેપ્સ્યુલ મિક્સ કરી શકો છો અને પછી તેને નાકની આસપાસ લગાવી શકો છો.