ઈરાનના સર્વોચ્ચ નેતાના સલાહકાર કમાલ ખર્રાજીએ ગુરુવારે કહ્યું કે ઈરાને અમેરિકા સાથેના પોતાના વિવાદોને ઉકેલવા માટે તમામ દરવાજા બંધ નથી કર્યા. તે અમેરિકા સાથે વાતચીત માટે તૈયાર છે. તાજેતરમાં ટ્રમ્પે ઈરાનને ચેતવણી આપી હતી કે "જો તેણે હુથીઓને મોટી માત્રામાં સપ્લાય મોકલવાનું બંધ નહીં કર્યું તો પરિણામ ખરાબ આવશે."

અમેરિકા અને ઈરાનની દુશ્મની જગજાહેર છે. થોડા વર્ષો પહેલા ઈરાનના સૌથી શક્તિશાળી સૈન્ય કમાન્ડર કાસિમ સુલેમાનીનું અમેરિકી હવાઈ હુમલામાં મોત થયું હતું. આ ઘટના બાદ બંને દેશો વચ્ચેની દુશ્મની ચરમસીમાએ પહોંચી ગઈ હતી. ટ્રમ્પના પહેલા શાસનમાં કહ્યું હતું કે જે ઈરાન સાથે વેપાર કરશે તે અમેરિકા સાથે વેપારી સંબંધો નહીં રાખી શકે. ત્યારે ઈરાને પણ અમેરિકાનો ખુલ્લેઆમ વિરોધ કર્યો છે.

પરંતુ હવે ઈરાન અમેરિકા સાથેના સંબંધો સુધારવાના પ્રયાસમાં લાગ્યું છે. હકીકતમાં, ઈરાનના સર્વોચ્ચ નેતાના સલાહકાર કમાલ ખર્રાજીએ ગુરુવારે કહ્યું કે ઈરાને અમેરિકા સાથેના પોતાના વિવાદોને ઉકેલવા માટે તમામ દરવાજા બંધ નથી કર્યા. તે અમેરિકા સાથે વાતચીત માટે તૈયાર છે.

તાજેતરમાં ટ્રમ્પે ઈરાનને ચેતવણી આપી હતી કે "જો તેણે હુથીઓને મોટી માત્રામાં સપ્લાય મોકલવાનું બંધ નહીં કર્યું તો પરિણામ ખરાબ આવશે." ટ્રમ્પે ટ્રુથ સોશિયલ પર લખ્યું, "ઈરાને હુથીઓને લશ્કરી સહાય થોડી ઓછી કરી છે, પરંતુ હજુ પણ મોટી માત્રામાં સપ્લાય મોકલી રહ્યું છે. આને તરત જ બંધ કરવું પડશે. હુથીઓને જાતે લડવા દો. આમ પણ તેઓ હારશે, પરંતુ આ રીતે જલ્દી હારશે."

ટ્રમ્પની આ ધમકીને સર્વોચ્ચ નેતા અયાતુલ્લા અલી ખમેનેઈએ ટ્રમ્પની ધમકીઓને પાયાવિહોણી ગણાવી છે. વિદેશ મંત્રી અબ્બાસ અરાક્ચીએ કહ્યું કે જ્યાં સુધી અમેરિકા અમારા પર દબાણ બનાવતું રહેશે ત્યાં સુધી વાતચીત અશક્ય છે.