અમેરિકાની એક જિલ્લા કોર્ટે શુક્રવારે ૨૦ વર્ષીય ભારતીય અમેરિકન સાઈ વર્ષીથ કંડુલાને ૮ વર્ષની જેલની સજા ફટકારી છે. ૨૨ મે, ૨૦૨૩ ના રોજ વ્હાઇટ હાઉસના કેટલાક બેરિકેડસમાં ભાડાના ટ્રકને અથડાવી દેવા બદલ તેને આ સજા આપવામાં આવી છે. સાઈ વર્ષીથ મૂળ હૈદરાબાદના ચંદનનગરના રહેવાસી છે. વર્ષીથને ગયા વર્ષે ઇરાદાપૂર્વક યુએસની સંપત્તિને નુકસાન પહોંચાડવા અને લૂંટવા બદલ દોષિત ઠેરવવામાં આવ્યો હતો. હાઇસ્કૂલ પાસ કર્યા પછી વર્ષીથ બાંધકામના કોર્ષ માટે અમેરિકા ગયો હતો અને ત્યાં જ સ્થાયી બની ગયો હતો.
વ્હાઇટ હાઉસમાં પ્રવેશ મેળવવાના તેના કથિત પ્રયાસથી તે હેડલાઇન્સમાં રહ્યો હતો અને તેના પર બાઇડેનની હત્યા કરવાનું કાવતં રચ્યાનો આરોપ પણ છે.જેલની સજા ઉપરાંત, કોર્ટે કંડુલાને ત્રણ વર્ષ દેખરેખ હેઠળ મુકિત આપવાનો આદેશ આપ્યો. કંડુલાનો નજીકનો પરિવાર સેન્ટ લુઇસ, મિઝોરીમાં રહે છે અને ગ્રીન કાર્ડ ધરાવે છે. કોર્ટના દસ્તાવેજો અનુસાર, તેણે તપાસકર્તાઓ સમક્ષ કબૂલાત કરી હતી કે તે યુએસ રાષ્ટ્ર્રપતિની હત્યા કરવાની યોજના બનાવી રહ્યો હતો. હત્પમલાના દિવસે, કંડુલા સેન્ટ લુઇસથી વોશિંગ્ટનના ડલ્લાસ ઇન્ટરનેશનલ એરપોર્ટ માટે એક તરફી ટિકિટ પર ઉડાન ભરી હતી.સ્થાનિક સમય મુજબ સાંજે ૫.૨૦ વાગ્યે ડલ્લાસ ઇન્ટરનેશનલ એરપોર્ટ પર ઉતરાણ કર્યાના એક કલાક અને ૧૦ મિનિટ પછી, તેણે એક ટ્રક ભાડે લીધી. તે અહીંથી નીકળ્યો, રસ્તામાં ખોરાક અને ગેસ માટે રોકાયો, પછી વોશિંગ્ટન ડીસી ગયો. અહીં તે રાત્રે ૯.૩૫ વાગ્યે વ્હાઇટ હાઉસ અને પ્રેસિડેન્ટ પાર્કને સુરક્ષિત રાખતા બેરિકેડ સાથે અથડાવ્યો હતો.બેરિયર સાથે અથડાયા પછી, ટ્રક પાછળની તરફ વળી, પછી આગળ ધસી ગઈ, અને બીજી વાર મેટલ બેરિયર સાથે અથડાઈ. બીજા ઝટકાએ ટ્રક થંભી ગઈ. ટ્રકમાંથી થોડું પ્રવાહી લીક થવા લાગ્યું અને જેના કારણે એન્જિનના ડબ્બામાંથી ધુમાડો નીકળવા લાગ્યો હતો અને ઘડીભર અફરાતફરીનો માહોલ સર્જાયો હતો