પહલગામ આતંકવાદી હુમલાનો બદલો ભારતે લઈ લીધો છે. ભારતીય સશસ્ત્ર દળોએ અદમ્ય સાહસ અને વીરતાનો પરિચય આપતા PoKમાં સ્ટ્રાઈક કરી છે.

જમ્મુ અને કાશ્મીર સ્થિત પહલગામમાં 22 એપ્રિલે થયેલા આતંકવાદી હુમલાનો બદલો ભારતે લઈ લીધો છે. ભારતીય સશસ્ત્ર દળોએ 7 એપ્રિલ, બુધવારની રાત્રે પાકિસ્તાનના કબજા હેઠળના કાશ્મીર સ્થિત મુઝફ્ફરાબાદમાં સ્ટ્રાઈક કરી અને 9 ઠેકાણાંને તબાહ કરી દીધા.

ભારતીય સશસ્ત્ર દળોની આ કાર્યવાહી પર સેનાના સોશિયલ મીડિયા હેન્ડલથી લખવામાં આવ્યું - ન્યાય થયો. જય હિંદ!

સંરક્ષણ મંત્રાલયે શું કહ્યું?
સંરક્ષણ મંત્રાલયે એક નિવેદનમાં કહ્યું - થોડા સમય પહેલાં, ભારતીય સશસ્ત્ર દળોએ ‘ઓપરેશન સિંદૂર’ શરૂ કર્યું, જેના હેઠળ પાકિસ્તાન અને પાકિસ્તાનના કબજા હેઠળના જમ્મુ-કાશ્મીરમાં આતંકવાદી માળખાકીય સુવિધાઓને નિશાન બનાવવામાં આવી, જ્યાંથી ભારત વિરુદ્ધ આતંકવાદી હુમલાની યોજના બનાવવામાં આવી અને નિર્દેશિત કરવામાં આવ્યો.

મંત્રાલયે કહ્યું કે કુલ મળીને, નવ (9) સ્થળોને નિશાન બનાવવામાં આવ્યા છે. અમારી કાર્યવાહી કેન્દ્રિત, પ્રકૃતિમાં ઉશ્કેરણીજનક રહી નથી. કોઈપણ પાકિસ્તાની સૈન્ય ઠેકાણાંને નિશાન બનાવવામાં આવ્યા નથી. ભારતે લક્ષ્યોની પસંદગીની રીતમાં ખૂબ જ સંયમ દાખવ્યો છે. આ પગલાં પહલગામમાં થયેલા બર્બર આતંકવાદી હુમલાના પગલે ઉઠાવવામાં આવ્યા છે જેમાં 25 ભારતીયો અને એક નેપાળી નાગરિકની હત્યા કરવામાં આવી હતી. અમે આ પ્રતિબદ્ધતા પર ખરા ઉતરી રહ્યા છીએ કે આ હુમલા માટે જવાબદાર લોકોને જવાબદાર ઠેરવવામાં આવશે. આજે પછીથી ‘ઓપરેશન સિંદૂર’ પર વિસ્તૃત માહિતી આપવામાં આવશે.