હાલમાં ઉનાળાના આકરા તાપમાં અનેક મુંગા જીવો પાણી માટે હેરાન થતા હોય છે  ત્યારે રાણાવાવના જીવદયાપ્રેમીઓએ જનભાગીદારીથી પશુઓ માટે પીવાના પાણીનો અવેડો બનાવીને ઉમદા કાર્ય હાથ ધરતા તેમને બિરદાવવામાં આવ્યા છે.
રાણાવાવ ખાતે આવા ધોમ ધખતા તાપમાં મૂંગા જાનવરો માટે લોકભાગીદારી થી પાણીની વ્યવસ્થા કરવામાં આવી છે.રાણાવાવ બસ સ્ટેશન નજીક એક ગલીમાં ઉનાળાના આ ૪૪ ડિગ્રીના તાપમાં મૂંગા જીવો માટે એક પાણીનો અવેડોે બનાવવામાં આવ્યો.જો કે થોડા મહિનાઓ પહેલા બાજુમાં કામ ચાલતા હોવાથી આ અવેડાઓ બંધ કરવામાં આવેલ પણ હવે સ્વચ્છતા રહેતી હોય આ સ્થળે જનભાગીદારીથી ફરીથી આ અવેડાનું નિર્માણ કરવામાં આવ્યું. આ પાણીની વ્યવસ્થા ગલીમાં કરવામાં આવી છે જેથી કરી ને રાહદારીઓ તથા મુખ્ય રસ્તા પર આ જાનવરોનો રંજાડ નહીં રહે. બાજુમાં અમુક પરિવારોના કુળદેવીના સ્થાનક પણ આવેલ છે.આ ગલીમાં લોકોએ જાહેર મુતરડી બનાવેલ હોય, અને અત્યંત ગંદકી ફેલાતી હોય, રાણાવાવ નગરપાલિકા આ બાબતે ધ્યાન આપે તેવી ત્યાં આજુબાજુ ના લોકોએ માંગ પણ કરી છે.