વિદેશી ફટાકડા ફોડવા, વેચાણ પર પ્રતિબંધ, ગ્રીન ટ્રીબ્યુનલને ઉલ્લેખીને પોલીસ કમિશનરનું જાહેરનામું

દિવાળી પર્વ તેમજ દેવદિવાળીએ રાત્રે માત્ર બે કલાક જ સાંજે ૮ થી ૧૦ વાગ્યા સુધી જ ફટાકડા ફોડી શકાશે. વિદેશી તેમજ હવા, અવાજ સહિતના પ્રદુષણને લઈને સુપ્રિમ કોર્ટ તથા ગ્રીન ટ્રીબ્યુનલના આદેશ ઉલ્લ ેખીને પોલીસ કમિશનર બ્રજેશકુમાર ઝા દ્રારા જાહેરનામું પ્રસિધ્ધ કરાયું છે.
આગ, અકસ્માત કે કોઈ દુર્ઘટના ન બને તે માટે ખાસ તકેદારી રાખવા જાહેર રસ્તાઓ, બજારો, ધાર્મિક સ્થળો, પેટ્રોલ પપં કે સીએનજી પપં અથવા આવા જવલંનશીલ પ્રવાહી, ગેસ પ્લાન્ટ સ્થળો નજીક ફટાકડા ફોડી શકાશે નહીં. આ ઉપરાંત કોર્ટ, હોસ્પિટલો, શૈક્ષણીક સંકુલો, ધાર્મિક સ્થળો, એરપોર્ટ નજીક ૧૦૦ મીટર સાયલન્ટ ઝોન હોવાથી ત્યાં પણ ફટાકડા ફોડી શકાશે નહીં. ભારે ઘોંઘાટ, હવા, પ્રદુષણ કરતા ફટાકડાઓ પણ ન ફોડવા જાહેરનામામાં નિર્દેશ કરાયો છે. તમામ ઈકોમર્સ વેબસાઈટ પર ઓનલાઈન ફટાકડા વેચાણ પર પ્રતિબધં મુકાયો છે. નિયત કરાયેલી અલગ અલગ ડેસીબલ (અવાજ માત્ર) અધિકૃત બનાવટવાળા ગ્રીન ફાયર ક્રેકર્સનું વેચાણ કરવા પણ અનુરોધ થયો છે. ઉપરોકત આ જાહેરનામું તા.૧૬૧૧૨૦૨૪ સુધી અમલમાં રહેશે.

વિદેશી ફટાકડા સંબંધી હજી એકપણ કેસ પોલીસ ચોપડે નોંધાયો નથી
વિદેશી ફટાકડાની આયાતિ પર પ્રતિબધં છે જેથી કોઈપણ પ્રકારના વિદેશી ફટાકડા આયાત સંગ્રહ કે વેચાણ વેપારીઓ દ્રારા કરી શકાશે નહીં. ચાઈના તુકકલ, બલુન, ઉંદરડીઓ કે આવા વિદેશી ક્રેકલ્સનું છુપી રીતે ધુમ વેચાણ થતું રહે છે. આ વખતે કાં તો રાજકોટ શહેરમાં આવા એક પણ વિદેશી ફટાકડા આવ્યા નથી અથવા તો પોલીસને કોઈ સ્થળે, વેચાણમાં આવા વિદેશી ફટાકડાઓ નજરે પડયા નથી કારણ કે, હજી સુધી આવો એક પણ કેસ નોંધાયો નથી.