પાલિતાણાના પોપડા વિસ્તારમાં રહેતી મહિલા પર એક શખ્સે તલવારથી હુમલો કરતાં પાલીતાણા ટાઉન પોલીસે ચાર શખ્સ વિરુદ્ધ ગુનો દાખલ કરી વધુ તપાસ હાથ ધરી હતું.
રેકાબહેન રામજીભાઈ ડાઠીયાએ   અજય રમેશભાઈ સોલંકી, ગોગા રમેશભાઈ સોલંકી, વિક્રમ રમેશભાઈ સોલંકી અને સુનીબહેન રમેશ સોલંકી
સામે નોંધાવેલી ફરિયાદમાં જણાવ્યા મુજબ  ફરિયાદી અને આરોપીનો પરિવાર એક જ વિસ્તારમાં રહે છે અને અગાઉ તા. ૧ ઓગસ્ટના રોજ ફરિયાદીના પિતાનું અવસાન થયું હતું અને તા.૧૦ના રોજ રાત્રે બેઠીક રાખી હોય ફરિયાદી અને તેના પરિવારના સભ્યો ઘરે બેઠા હતા ત્યારે  અજય તેમના ઘર પાસે આવી ગાળો બોલતો હોય તેને ગાળો બોલવાની ના કહેતા આરોપી તલવાર લઈને આવ્યો હતો અને તેણે ફરિયાદીને હાથના ભાગે તલવારથી હુમલો કરી ઇંજા પહોંચાડી હતી તો અન્ય આરોપીઓએ ફરિયાદી તેમજ તેના ભાઈને માર માર્યો હતો. પોલીસે આ બનાવ અંગે ગુનો દાખલ કરી વધુ તપાસ હાથ ધરી હતી.