એસપીના આદેશથી વધુ એક શખ્સ સામે પાસાનું શસ્ત્ર ઉગામાયું
જામનગરના વિશ્રામ વાડી વિસ્તારમાં રહેતા પ્રોહી બુટલેગર સામે પાસાનું શસ્ત્ર ઉગામવામાં આવ્યું છે, આરોપી શરીર સબંધી ૨ અને પ્રોહીબીશનના ૧૨ ગુનામાં સંડોવાયેલ છે, આરોપીની પાસા હેઠળ અટકાયત કરી સાબરમતી જેલમાં મોકલી અપાયો છે.
જામનગરમાં દિગ્વિજય પ્લોટ શેરી નંબર ૫૪ વિશ્રામવાડી વિસ્તારમાં રહેતા જીગ્નેશ ઉર્ફે જીગો વિનોદભાઈ ખીચડાની સામે પ્રોહીબિશનના ૧૨ ગુના નોંધાયા છે, જ્યારે શરીર સંબંધી અન્ય બે ગુનાઓ નોંધાયા છે. જે ગુનેગાર સામે એલસીબી પીઆઇ લગારીયાની સુચનાથી સ્ટાફના શરદભાઇ, હિરેનભાઇ અને સુરેશભાઇ દ્વારા પાસા હેઠળની દરખાસ્ત તૈયાર કરીને જિલ્લા પોલીસવડા પ્રેમસુખ ડેલુ મારફતે જિલ્લા સમહર્તા સમક્ષ મોકલવામાં આવી હતી.
જેથી જીલ્લા કલેક્ટર કેતન ઠક્કર દ્વારા દરખાસ્ત મંજૂર કરવામાં આવી હતી, જેથી જિલ્લા પોલીસવડાના આદેશ અનુસાર એલસીબીની પોલિસ ટીમે આરોપી જીગ્નેશ ખીચડા ની અટકાયત કરી લીધી છે, અને તેને અમદાવાદની સાબરમતી મધ્યસ્થ જેલમાં મોકલી આપ્યો છે.
