સનરાઇઝર્સ હૈદરાબાદને IPL 2025માં સતત ચોથી હારનો સામનો કરવો પડ્યો છે. ગુજરાતનો હોમ ટીમ સામે 7 વિકેટે વિજય થયો છે. ગુજરાતનો આ સતત ત્રીજો વિજય છે.

હૈદરાબાદના રાજીવ ગાંધી ઇન્ટરનેશનલ સ્ટેડિયમમાં ગુજરાતની ટીમે 153 રનનો ટાર્ગેટ 16.4 ઓવરમાં 3 વિકેટ ગુમાવીને હાંસલ કરી લીધો હતો. કેપ્ટન શુભમન ગિલે અણનમ 61 રનની ઇનિંગ રમી હતી. જ્યારે શેરફેન રધરફોર્ડ 35 રન બનાવીને અણનમ રહ્યો હતો. વોશિંગ્ટન સુંદરે 49 રન બનાવ્યા હતા. મોહમ્મદ શમીએ 2 વિકેટ લીધી હતી, જ્યારે કેપ્ટન પેટ કમિન્સે 1 વિકેટ લીધી હતી.

ગુજરાતે ટોસ જીતીને બોલિંગ પસંદ કરી હતી. હૈદરાબાદે 20 ઓવરમાં 8 વિકેટ ગુમાવીને 152 રન બનાવ્યા હતા. નીતિશ કુમાર રેડ્ડી (31 રન) અને હેનરિક ક્લાસેન (27 રન) વચ્ચે એકમાત્ર અડધી સદીની ભાગીદારી થઈ હતી. મોહમ્મદ સિરાજે 4 વિકેટ ઝડપી હતી. પ્રસિદ્ધ કૃષ્ણા અને સાઈ કિશોરે 2-2 વિકેટ લીધી હતી.

મેચ પછી પોઈન્ટ ટેબલ

ગુજરાતે સતત ત્રીજો વિજય મેળવ્યો છે. 4 મેચ પછી ટીમના 6 પોઈન્ટ છે. ટાઇટન્સની ટીમ બીજા ક્રમે આવી ગઈ છે.

હૈદરાબાદ સતત ચોથી મેચ હારી ગયું છે. 5 મેચ પછી ટીમના 2 પોઈન્ટ છે. સનરાઇઝર્સની ટીમ 10મા સ્થાને છે.