વયમર્યાદાના કારણે નિવૃત થતાં કર્મચારીઓને હોમગાર્ડઝ કમાન્ડન્ટના હસ્તે મોમેન્ટો અપાયા

જામનગર સીટી-એ યુનિટ હોમગાર્ડઝના હોમગાર્ડઝ સેક્શન લીડર જીતેન્દ્ર પ્રતાપભાઈ ચુડાસમા એ ૩૧ વર્ષ તથા હોમગાર્ડઝ સભ્ય  હરેશ કાંતિલાલ ભદ્રેશા ૧૫ વર્ષ હોમગાર્ડઝ દળ માં દીર્ઘકાલીન ફરજકાળ દરમ્યાન તમામ ફરજો જેવી કે ચુંટણી, ઈમરજન્સી, બહારગામ, રૂટીન તહેવારો ની ફરજો તેમજ તાલીમ પરેડ માં ઉપસ્થિત રહી એક નિયમિત હોમગાર્ડઝ સભ્ય તરીકેની છાપ ઉભી કરી દળમાંથી વય મર્યાદા ના કારણે નિવૃત થતા તે ઓને વિદાયમાન આપવામાં આવ્યું હતું.

આ કાર્યક્રમની શરૂઆતમાં જીલ્લા હોમગાર્ડઝ કમાન્ડન્ટ ગીરીશભાઈ સરવૈયાની અધ્યક્ષતામાં તથા સીટી એ યુનિટના ઓફિસર કમાન્ડીંગ જયેશભાઈ રાણા દ્વારા શાલ, સન્માનપત્ર અને પુષ્પહાર દ્વારા જીતેન્દ્ર પ્રતાપભાઈ ચુડાસમા તથા હરેશ કાંતિલાલ ભટ્રેશાનું સન્માન કરવામાં આવ્યું હતું, આ કાર્યક્રમમાં હોમગાર્ડઝ દળના અધિકારી હરૂભ્ભા જાડેજા, રાજેન્દ્ર ઓઝા, હિતેષ જેઠવા, કૈલાસ જેઠવા, હેમાંસુ પુરોહિત, જયેન્દ્ર કણજારીયા, મહિલા વિગના ઇન્ચાર્જ જીજ્ઞાશાબેન અંબાસણા તથા બહોળી સંખ્યામાં હોમગાર્ડઝ જવાનો ભાઈ/બહેનો ઉપસ્થિત રહ્યા હતા. આ સમગ્ર કાર્યક્રમને સફળ બનાવવા યુનિટ અધિકારી તથા એન.સી.ઓ. સંદીપ દાઉદીયા, રાજેન્દ્ર જેઠવા બ્રિજેશ વારાએ જહેમત ઉઠાવી હતી.