મધ્યપ્રદેશના રાયસેન જિલ્લામાં પાકિસ્તાન ઝિંદાબાદના નારા લગાવનાર અને ભારત માતા કી જયના નારા લગાવનાર આરોપીને સજા કરવામાં આવી છે. વાસ્તવમાં મધ્યપ્રદેશના રાયસેન જિલ્લાના રહેવાસી ફૈઝલ ઉર્ફે ફૈઝાને પાકિસ્તાનના પક્ષમાં નારા લગાવ્યા હતા. આ બાબતે 17 મે 2024ના રોજ ભોપાલના મિસરોડ પોલીસ સ્ટેશનમાં આરોપીઓ વિરુદ્ધ ફરિયાદ નોંધવામાં આવી હતી. તપાસ બાદ ટ્રાયલ કોર્ટમાં ચાર્જશીટ પણ રજૂ કરવામાં આવી હતી. હવે મધ્યપ્રદેશ હાઈકોર્ટે 50 હજાર રૂપિયાના બોન્ડ પર શરતી જામીન મંજૂર કયર્િ છે.પાકિસ્તાન ઝિંદાબાદ’ બોલનારને તિરંગાની સલામી સાથે ’ભારત માતા કી જય’ કહેવાની સૂચના આપવામાં આવી છે, આ મામલે ભોપાલ પોલીસ કમિશનરને દેખરેખ રાખવાની સૂચના આપવામાં આવી છે કે આરોપી નિયમો અને શરતોનું પાલન કરે છે કે નહીં. તેની વિડિયોગ્રાફી કરાવવા માટે પણ કહેવામાં આવ્યું છે
રાષ્ટ્રવિરોધી સૂત્રોચ્ચાર કરનારા આરોપીઓને હવે દર મહિનાના પહેલા અને ચોથા મંગળવારે સવારે 10 થી 12 વાગ્યાની વચ્ચે ત્રિરંગાને સલામી આપવા અને ભારત માતા કી જય ના નારા લગાવવાનો નિર્દેશ આપવામાં આવ્યો છે. જ્યાં સુધી તેનો કેસ ચાલશે ત્યાં સુધી આરોપીએ આ નિયમનું પાલન કરવું પડશે. નિયમો અને શરતોના ભંગ બદલ આરોપીના જામીન રદ કરવામાં આવશે. હાઈકોર્ટના આદેશમાં જણાવવામાં આવ્યું છે કે આરોપીઓએ ટ્રાયલના અંતિમ નિષ્કર્ષ સુધી દર મહિનાના પહેલા અને ચોથા મંગળવારે પોલીસ સ્ટેશન મિસરોડ, ભોપાલમાં સવારે 10 થી બપોરે 12 વાગ્યા સુધી હાજર રહેવું પડશે અને રાષ્ટ્રધ્વજ ફરકાવવામાં આવશે ત્યારે પોલીસ સ્ટેશન બિલ્ડીંગમાં સલામી આપતી વખતે 21 વખત ભારત માતા કી જય ના નારા લગાવવા પડશે. આ શરત ફરજીયાતપણે જામીન પત્રોમાં સામેલ કરવાની રહેશે.