ભાવનગર શહેરની જને ગૌષે આઝમ ઝુલુસ કમીટી દ્વારા પીરાને પીર હઝરત ગૌપુલ આઝમ દસ્તગીરની ગ્યારમી શરીફનું એક શાનદાર ઝુલુસ તા. ૧૫ને મંગળવારે શહેરની ગૌષીયા મસ્જીદ વડવા નેરા માંથી નીકળ્યુ હતું.
આ ઝુલુસ શહેરના વડવા તલાવડી વિસ્તારમાં આવેલ ગૌષીયા મસ્જીદ વડવા તલાવડીથી નીકળ્યુ હતું જે ઈમામવાડા ચોક, અલકા ચોક, મતવા ચોક, શેલારસા ચોક થઇને શહેરના આંબાચોક જુમ્મા મસ્જીદ પાસે સાંજે ૭:૩૦ કલાક સંપન્ન થયુ હતુ.
આ ઝુલુસમાં જુદી જુદી મસ્જીદના પેશઈમામ સાહેબો, મૌલાના સાહેબો, મદ્રેસાના બાળકો, મીલાદ પાર્ટી ના સભ્યો, ઇસ્લામી બેનરો, ઇસ્લામી નિશાનો સાથે સમસ્ત મુસ્લીમ સમાજના આગેવાનો કાર્યકરો મોટી સંખ્યામાં ઝુલુસ માં જોડાયા હતા. અને ઇસ્લામી નારાઓ લગાવવામાં આવ્યા હતા. આ ઝુલુસ નું ઠેર ઠેર સ્વાગત કરાયુ હતુ. તેમજ ન્યાઝ, ઠંડા પીણા, દુધ કોલ્ડ્રીંક્સ વિગેરેનું વિતરણ કરાયુ હતુ. આ ઝુલુસને સફળ બનાવવા જઘ્ને ગૌષે આઝમ ઝુલુસ કમીટીના પ્રમુખ બનુહાસીમ સૈયદ હુસેનમીયાબાપુ અલફદ્દાક સહીતના આગેવાનો, કાર્યકરોએ સારી જહેમત ઉઠાવી હતી.