સવારે ૧૧ થી ૪ વાગ્યા સુધી પશુઓને પુરતા હવા ઉજાસ અને છાંયાવાળી જગ્યાએ રાખવા

નાના બચ્ચાઓ, ઘાટા રંગની ચામડી ધરાવતા પશુઓ, શ્વસન, કિડની અને યકૃતના રોગો ધરાવતાં પશુઓ તેમજ દૂધ આપતા પશુઓને હિટ વેવનુ સૌથી વધુ જોખમ રહેલું છે

જામનગર તા.07 એપ્રિલ, સમગ્ર રાજયમા ઉનાળાના કારણે હિટવેવની શક્યતાઓ રહેલી છે.આ દરમિયાન જામનગર જિલ્લાના પશુઓને હિટવેવથી બચાવવા જિલ્લા પંચાયત જામનગરની પશુપાલન શાખા દ્વારા મહત્વપૂર્ણ સૂચનો કરાયા છે.ગ્રીષ્મ લહેર (Heat Wave) એ વાતાવરણીય તાપમાનની એવી સ્થિતિ છે જે ક્યારેક પશુઓ માટે જીવલેણ પણ બને છે.

પશુઓમાં ગરમીના કારણે ઉભી થતી સમસ્યાઓ અસરકારક નિવારક પગલાં, પ્રાથમિક ઉપચાર અને પશુચિકિત્સા દ્વારા નિવારી શકાય છે.તાપમાન વધુ હોય તે સમયે પશુઓને ઠંડા વાતાવરણમાંથી ગરમ વાતાવરણમાં સ્થળાંતર કરવાનું ટાળવુ જોઈએ.તેમના માટે પુષ્કળ પાણી ઉપલબ્ધ કરાવવુ જોઇએ. સંવેદનશીલ પશુઓ જેવા કે નાના બચ્ચાઓ, ઘાટા રંગની ચામડી ધરાવતા પશુઓ, શ્વસન, કિડની અને યકૃતના રોગો ધરાવતાં બીમાર પશુઓ, તાજેતરમાં ઉન કતરણ કરાવેલ ઘેટા, ગાભણ તથા દૂધ આપતા પશુઓને હિટ વેવનુ વધુ જોખમ રહેલું છે.

ગરમીના લીધે મુખ્યત્વે પશુઓમા જોવા મળતા લક્ષણોમાં સુસ્ત થઈને પડ્યા રહેવું, સુકુ નાક, નબળાઈ, ધ્રુજારી, લાળ ઝરવી, બેભાન થઈ જવું, પેટ ફુલી જવુ, ઓછુ હલનચલન, હાવભાવમાં ફેરફાર, ધ્રુજારી, વધુ પાણી પીવું, ભૂખ ન લાગવી, હાંફવુ, પક્ષીઓમાં ખુલ્લી ચાંચ દ્વારા હાંફ ચઢવી, સતત છાયડો શોધવો, પાણીના સ્ત્રોત પર લાંબા સમય સુધી પડી રહેવું, પક્ષીઓના કિસ્સામાં પાંખો ફેલાવીને રાખવી, દૂધ ઉત્પાદનમાં ઘટાડાનો સમાવેશ થાય છે.

હિટ વેવ દરમિયાન પશુઓની કાળજી