ગોંડલ નાગરિક બેંકનાં ડીરેકટરોની ચુંટણી આવતીકાલે રવિવારે યોજાનાર છે.ત્યારે ગોંડલનું રાજકારણ ગરમાયું છે. નાગરિક બેંકની ચુંટણી સામાન્ય ગણાતી હોય છે. પણ ગોંડલમાં ચુંટણીને લઈને ધારાસભાની ચુંટણી જેવો માહોલ ગરમાયો છે. બેંકની ચુંટણી વર્તમાન ચેરમેન અશોકભાઈ પીપળીયા માટે પ્રતિ ાનો જગં બની છે. તો સામા પક્ષે પુર્વ ચેરમેન યતિશભાઈ દેસાઈ બહત્પમત હાંસીલ કરવા એડીચોટીનું જોર લગાવી રહ્યા હોય રાજકીય ઉતેજના ફેલાઈ છે. આગામી રવિવારનાં નાગરિક બેંકની ચુંટણી યોજાઇ રહી છે. પુર્વ ધારાસભ્ય જયરાજસિહ જાડેજાની રાહબરી હેઠળ ભાજપ પ્રેરીત પેનલ ચુંટણી લડી રહી છે. સામા પક્ષે કોંગ્રેસનાં યતિષભાઈ દેસાઈની આગેવાની હેઠળ નાગરિક સહકાર સમિતીની પેનલ ચુંટણી લડી રહી છે.
નાગરિક બેંક નાં ચેરમેન અશોકભાઈ પીપળીયા અને તેની પેનલ દ્રારા છેલ્લ ા ત્રણ ચાર વર્ષ માં બેંકનાં વિકાસ અને પ્રગતિની ગવાહી અપાઇ રહી છે. તો સામા પક્ષે વર્તમાન સતાધીશોનાં સાશનનાં છીંડા શોધી લોકો સમક્ષ રજુ કરાઇ રહ્યા છે. જેને લઈ નુ ચુંટણીનો માહોલ હાઇવોલ્ટેજ સમો બનવા પામ્યો છે.
સામાન્ય રીતે બેંકની ચુંટણીની ખાસ નોંધ સુધ્ધા લેવાતી હોતી નથી. પરંતુ ગોંડલની રાજકીય તાસીર હમેંશા ગરમ રહી છે. ત્યારે શહેરમાં મોટા હોડિગ, ચોપાનીયા અને જાહેરસભા સાથે ડોર ટુ ડોરનો પ્રચાર ચાલી રહ્યો હોય બન્ને પક્ષે ચુંટણીનું કેટલુ અને કેવુ મહત્વ છે. એ સાબીત થઈ રહ્યુ છે. બેંકનાં વર્તમાન ચેરમેન અશોકભાઈ પીપળીયા માટે આ ચુંટણી એસિડ ટેસ્ટ સાબીત થશે. ૫૮૦૦૦થી વધુ સભાસદો ધરાવતી નાગરિક બેંક માં સભાસદો એક દિન કા સુલતાન બની સતાનો તાજ કોને પહેરાવશે તે કહેવુ અકળ ગણાશે