સ્વિટ્ઝર્લૅન્ડના સુંદર ગામ બ્લેટનમાં એક ભયંકર કુદરતી આફતે બધું જ નાશ પામ્યું. બિર્ચ ગ્લેશિયરનો મોટો ભાગ તૂટીને ગામ પર પડ્યો, જેના કારણે બરફ, કાદવ અને ખડકો ધસી પડ્યા. ગામના 300 રહેવાસીઓને પહેલાથી જ સ્થળાંતરિત કરવામાં આવ્યા હતા જેના કારણે મોટાપાયે જાનહાની થતા બચી હતી. ગામનો 90 ટકા ભાગ કાટમાળ નીચે દટાઈ ગયો. બાકીના ઘરો પૂરમાં ડૂબી ગયા. વૈજ્ઞાનિકો માને છે કે આ આબોહવા પરિવર્તનનું ખતરનાક પરિણામ છે.

View this post on Instagram

A post shared by Aajkaal (@aajkaaldaily)

એક 64 વર્ષીય વ્યક્તિ ગુમ છે

આ હિમપ્રપાતમાં, બરફ, કાદવ અને ખડકોએ ગામને સંપૂર્ણપણે દાટી દીધું. ગામના 300 રહેવાસીઓને પહેલાથી જ સ્થળાંતરિત કરવામાં આવ્યા હતા, કારણ કે વૈજ્ઞાનિકોએ ગ્લેશિયર અસ્થિર હોવાની ચેતવણી આપી હતી, એક 64 વર્ષીય વ્યક્તિ ગુમ છે. તેની શોધ બંધ કરવામાં આવી હતી કારણ કે કાટમાળ ખૂબ જ વધુ હતો.

આ તળાવનું પાણી દર કલાકે 80 સેન્ટિમીટર વધી રહ્યું છે

હિમપ્રપાતે લોન્ઝા નદીને અવરોધિત કરી દીધી હતી, જેના કારણે એક મોટું કૃત્રિમ તળાવ બન્યું હતું. આ તળાવનું પાણી દર કલાકે 80 સેન્ટિમીટર વધી રહ્યું છે, જેના કારણે બાકીના ઘરો પણ પૂરમાં ડૂબી ગયા હતા. નજીકના ગામોમાંથી કેટલાક લોકોને પણ સ્થળાંતરિત કરવામાં આવ્યા હતા.

પાણીના પંપ અને ભારે મશીનો રાહત કાર્ય માટે તૈયાર

વેલેસ સુરક્ષા વડા સ્ટેફન ગેન્ઝરે જણાવ્યું હતું કે જો આ કાટમાળ ફર્ડોન બંધ તોડે છે, તો વધુ વિનાશ થઈ શકે છે. પરંતુ બંધ પહેલાથી જ ખાલી કરી દેવામાં આવ્યો છે જેથી તે વધારાનું પાણી રોકી શકે. 50 સ્વિસ સૈન્ય કર્મચારીઓ, પાણીના પંપ અને ભારે મશીનો રાહત કાર્ય માટે તૈયાર છે.

આ ઘટના આબોહવા પરિવર્તનનું એક મોટું ઉદાહરણ છે. વૈજ્ઞાનિકો કહે છે કે જો ગ્રીનહાઉસ વાયુઓનું ઉત્સર્જન બંધ ન કરવામાં આવે તો સ્વિટ્ઝર્લૅન્ડના ગ્લેશિયર્સ ૨૧૦૦ સુધીમાં સંપૂર્ણપણે અદૃશ્ય થઈ શકે છે. ૨૦૨૪ને રેકોર્ડ પરનું સૌથી ગરમ વર્ષ માનવામાં આવતું હતું, જેણે ગ્લેશિયર્સને વધુ નબળા પાડ્યા હતા.