એક ગુપ્ત માહિતીના આધારે, દિલ્હી પોલીસની એક ટીમે 20 દિવસથી વધુ સમય સુધી સઘન ઓપરેશન હાથ ધર્યું હતું. આમાં શંકાસ્પદો સાથે જોડાયેલા 20 થી વધુ ફોન નંબરોનું વિશ્લેષણ પણ સામેલ હતું. આરોપીઓને 8 એપ્રિલના રોજ ઉત્તમ નગર વિસ્તારમાંથી પકડવામાં આવ્યા હતા, જ્યારે તેઓ બાળકને કારમાં જ કેદ કરીને ભાગી ગયા હતા.જેના આધારે આ આખું ઓપરેશન પાર પડ્યું. આ ગેંગ ગુજરાત અને રાજસ્થાનમાં ગરીબ પરિવારોને નિશાન બનાવતી હતી. આ પછી, તે દિલ્હી-એનસીઆરમાં શ્રીમંત અને નિઃસંતાન યુગલોને તે વેચતી હતી તેઓ એક બાળકના બદલામાં 5 થી 10 લાખ રૂપિયા લેતા હતા. પોલીસે જણાવ્યું હતું કે ધરપકડ કરાયેલા આરોપી શંકાસ્પદ ગેંગ લીડર સરોજના નિર્દેશો હેઠળ કામ કરતા હતા, જે હાલમાં ફરાર છે.

ડેપ્યુટી કમિશનર ઓફ પોલીસ અંકિત સિંહે જણાવ્યું હતું કે, 'અંજલિનો સમાન ગુનાઓમાં સંડોવણીનો ઇતિહાસ રહ્યો છે. તેમની અગાઉ સીબીઆઈ દ્વારા માનવ તસ્કરીના કેસમાં ધરપકડ કરવામાં આવી હતી.

આ ગેંગે 35 થી વધુ શિશુની તસ્કરી કરી હોવાનું ખુલ્યું

બચાવેલા બાળકને સંભાળ હેઠળ રાખવામાં આવ્યું છે અને તેના જૈવિક માતાપિતાને શોધવાના પ્રયાસો ચાલુ છે. પોલીસ ગેંગના અન્ય સભ્યો અને તેના નેટવર્કને શોધવા માટે પણ કામ કરી રહી છે. તે ઘણા રાજ્યોમાં ફેલાઈ ગયુ હોવાની આશંકા છે. આ ગેંગે 35 થી વધુ શિશુઓની તસ્કરી કરી હોવાનું માનવામાં આવે છે.