પોલીસે જે આરોપીઓની ધરપકડ કરી છે. તેમાં વિનશ ઉર્ફે બટ્ટો દિલીપભાઈ ભગત (ઉ.વ.૨૭, રહે. હુડકો કવાર્ટર, કોઠારીયા રોડ) અને લકીરાજસિંહ પ્રદ્યુમનસિંહ ઝાલા (ઉ.વ.૨૨, રહે. આશાપુરા શેરી નં.૯, હુડકો, કોઠારીયા રોડ)નો સમાવેશ થાય છે.ક્રાઈમ બ્રાંચે જામનગર રોડ પર આવેલા ભુતનાથ મહાદેવ મંદિર નજીકથી નંબર પ્લેટ વગરની કાર સાથે બંને આરોપીને પકડી પૂછપરછ કરતા આ કાર સેલ્ફ ડ્રાઈવ માટે ભાડે લઈ પરત નહીં આપી છેતરપિંડી કરી હોવાની કબુલાત આપી હતી.

પોલીસે જણાવ્યું કે, આરોપી વિનસ ભગત અગાઉ દારૂ સહિત બે ગુનામાં પોલીસ ચોપડે ચડી ચુકયો છે. આશરે બે માસ પહેલા આરોપીઓ રાજસ્થાનના જયપુર ગયા હતા. જયાં વિનસે તેના મિત્ર કિશુ મારફતે આરોપી લકીરાજના નામના બોગસ ડોકયુમેન્ટ બનાવી તેના આધારે સેલ્ફ ડ્રાઈવમાં કાર ભાડેથી લઈ રાજકોટ લઈ આવ્યા હતા. ત્યારથી બંને આ કારનો ઉપયોગ કરતા હતા. આ મામલે જયપુર સિટીના શિવદાસપુરા પોલીસ મથકમાં ગુનો દાખલ કરાયો હતો.આ કામગીરીમાં ક્રાઇક બ્રાંચના પીઆઇ

એમ.આર.ગોંડલીયા,એમ.એલ.ડામોર,સી.એચ.જાદવની રાહબરીમાં પીએસઆઇ વી.ડી.ડોડીયા,હેડકોન્સ્ટેબલ દિપક ભાઈ ચૌહાણ,જયરાજભાઈ કોટિલા અને વિશાલભાઈ દવે સહિતના સાથે રહ્યા હતાં.