સીટી-બી ડીવીઝન પોલીસ સ્ટેશનના પ્રોહીબીશનના ગુનાના નાસતા ફરતા આરોપીને શહેર ડીવીઝનની સ્પેશ્યલ ટીમે દબોચી લીધો હતો.

જામનગર શહેર-જીલ્લામાં નાસતા ફરતા આરોપીઓને પકડવા બાબતે એસપી દ્વારા સુચના કરવામાં આવતા શહેર ડીવાયએસપી જયવીરસિંહ ઝાલા અને સીટી ડીવીઝનના પોલીસ અધિકારીઓ સાથે મળી એક વિશિષ્ટ સ્પેશ્યલ ટીમની રચના કરવામાં આવી છે. જેમાં એએસઆઇ રઘુવીરસિંહ, કોન્સ્ટેબલ સંજયભાઇ, પ્રદિપસિંહ તથા મયુરસિંહ દ્વારા નાસતા ફરતા આરોપીઓને શોધી કાઢવા પેટ્રોલીંગમાં હતા.

દરમ્યાન સ્પેશીયલ ટીમને સંયુકત બાતમી મળેલ જેના આધારે સીટી-બી ડીવીઝનના પ્રોહીબીશનના ગુનામાં નાસતો ફરતો આરોપી વનરાજસિંહ ઉર્ફે મુન્નો વાગડ શિવુભા વાઢેર રહે. શાંતીનગર શેરી નં. 7વાળો હાલ પટેલ કોલોની 9 ડેરી પાસે આંટાફેરા કરે છે જેના આધારે ત્યાં જઇને વનરાજસિંહને કોર્ડન કરી પુછપરછમાં ગુનાની કબુલાત આપતા ધોરણસર અટક કર્યો હતો.