શહેરના જયુબેલી ગાર્ડન પાસેથી એસઓજીની ટીમે ગત વર્ષે ડિસેમ્બર માસના પ્રારંભે ૧૨ કિલો ગાંજાના સાથે બે શખસોને ઝડપી લીધા હતાં.જેમાં નાસતા ફરતા એક આરોપીને એસઓજીની ટીમે ઝડપી લઇ કાયદેસરની કાર્યવાહી કરી હતી.
જાણવા મળતી વિગતો મુજબ,એસઓજીના પીઆઇ એસ.એમ.જાડેજાની રાહબરી હેઠળ પીએસઆઇ એમ.બી.માજીરાણા તથા તેમની ટીમ પેટ્રોલીંગમાં હતી દરમિયાન હેડ કોન્સ.ઇન્દ્રસિંહ જાડેજા, કોન્સ. હાર્દિકસિંહ પરમારને મળેલી બાતમીના આધારે પોલીસે એ ડિવિઝન પોલીસ સ્ટેશનમાં નોંધાયેલા એનડીપીએસના ગુનામાં નાસતા ફરતા આરોપી મોહિન મહેબુબભાઇ સર્વદી(ઉ.વ ૩૩ રહે. આર.એમ.સી કવાર્ટર ત્રણ માળિયા કવાર્ટર બ્લોક નં.૬ કવાર્ટર નં.૧૬૦૪ ગોવિંદરત્ન બંગ્લોઝની પાછળ રાજકોટ મૂળ વંથલી જિ. જુનાગઢ) ને ઝડપી લઇ કાયદેસરની કાર્યવાહી કરી હતી.આ કામગીરીમાં એસઓજીના એએસઆઇ ધર્મેશભાઇ ખેર,હેડ કોન્સ.દિગ્વીજયસિંહ ગોહિલ, ફિરોજભાઇ રાઠોડ તથા મૌલિકભાઇ સાવલીયા સહિતના સાથે રહ્યા હતાં.
અત્રે ઉલ્લેખનીય છે કે,ગત તા. ૧૨૨ ના રોજ એસઓજીની ટીમે શહેરના જયુબેલી ગાર્ડન પાસેથી ચેતન સામેચા અને દશરથ સોલંકી નામના બે શખસોને .૧,૧૯,૫૦૦ ની કિંમતના ૧૨ કિલો ગાંજાના જથ્થા સાથે ઝડપી લીધા હતાં.જે અંગે એ ડિવિઝન પોલીસ સ્ટેશનમાં ગુનો નોંધાયો હતો.આ ગુનામાં હાલમાં પકડાયેલા આરોપી મોહિન સર્વદીનું નામ ખુલ્યું હતું.