દ્વારકામાં આવેલા એક પેટ્રોલ પંપ નજીક સાંજે સ્થાનિક પોલીસે જાહેરમાં લુડો કિંગ નામની ગેમ મારફતે પૈસાની હારજીત કરી, અને જુગાર રમી રહેલા લાલજી પરસોતમ કણજારીયા, ઇશ્વર લીરાભાઈ કણજારીયા, દીપક લખમણભાઈ નકુમ અને પરેશ પરસોત્તમભાઈ નકુમ નામના ચાર શખ્સોને ઝડપી લઇ, મોબાઈલ ફોન સહિત કુલ રૂપિયા ૧૫,૫૫૦ નો મુદ્દામાલ કબજે કર્યો હતો.
***
જામનગર-લાલપુરમાં વર્લીબાઝ ગીરફતાર
જામનગરના સુભાષ બ્રીજ પાસે સિન્ધીના ડેલામાં રહેતા દિનેશ થાવરદાસ સંતાણી નામના શખ્સને બર્ધનચોક વિસ્તારમાં જાહેરમાં વર્લી મટકાનો જુગાર રમતા રોકડા ૭૫૦ અને આંકડા લખેલી ચિઠ્ઠી સાથે પકડી લીધો હતો.
આ ઉપરાંત લાલપુર શિવનગર સોસાયટીમાં રહેતા દિપક સામજી માંડવીયાને ધરારનગર વિસ્તારમાં જાહેરમાં વર્લી મટકાનો જુગાર રમતા રોકડા ૩૨૦ અને એક ચિઠ્ઠી સાથે લાલપુર પોલીસે દબોચી લીધો હતો.