ગંજીફાથી અંદર-બહારના જુગાર પર પોલીસ ત્રાટકી : ૧૧ હજારની રોકડ મળી
જામજોધપુરના જામવાડી ગામમાં માંગપતીનો જુગાર રમતા બે શખ્સને પકડી લીધા હતા, જયારે ૧૯ શખ્સો ફરાર થઇ ગયા હતા.
જામજોધપુરના જામવાડી ગામ ગાંધી ચોક, પાનની દુકાન સામે જાહેરમાં ગંજીપાના વડે જુગાર રમાતો હોવાની બાતમીના આધારે સ્થાનીક પોલીસે દરોડો પાડીને સ્ટ્રીટ લાઇટના અજવાળે માંગપતી (અંદર-બહાર) નો જુગાર રમતા જામવાડી સ્મશાન સોસાયટી પાસે રહેતા સંજય કિશોર બારડ અને ગોડાઉન પાસે રહેતા નાનજી ખીમા ચાવડા નામના શખ્સોને રોકડ ૧૧૧૯૦ સાથે પકડી લીધા હતા.
દરોડા વખતે મોહન ઉર્ફે પપ્પુ માધા ચાવડા, જેન્તી ભોજા ચાવડા, કાના જીણા વાઘ, કાના વિનોદ દલવા, વિપુલ વલ્લભ ભડાણીયા, નરશી ભીખા ચાવડા, નાનજી ખાખા, અલ્પેશ ઉર્ફે આંબો જેન્તી વાછાણી, રાકેશ ભીમા ચાવડા, દિવ્યેશ ગોવિંદ વાછાણી, વિમલ અરવિંદ ખાંટ, નિલેશ તારા સગારકા, રમેશ ગીરધર ભડાણીયા, ચેતન ભગા સીતાપરા, રમેશ કીંદરખેડીયા, મેહુલ હાજા ડાકી, ભાવીન ઉર્ફે બાલી મનસુખ ખાંટ, રાજ ઉર્ફે બાલી રવજી ચાવડા અને ભરત વલ્લભ ચાવડા રહે. બધા જામવાડી નામના ઇસમો નાશી છુટયા હતા જેની શોધખોળ ચલાવવામાં આવી રહી છે.
***
દ્વારકામાં જુગાર રમતા ચાર શખ્સો ઝડપાયા
દ્વારકાના રૂપેણ બંદર વિસ્તારમાંથી પોલીસે મોડીરાત્રીના સમયે ગંજીપત્તા વડે જુગાર રમી રહેલા રજાક ઉર્ફે ટોપી મામદ બેતારા, સબીર હાજી સોરઠીયા, અજય અશોક વાઘેલિયા અને ઇમરાન સલીમ દરવેશ નામના ચાર શખ્સોને ઝડપી લઇ, કુલ રૂપિયા ૧૩,૮૫૦ નો મુદ્દામાલ કબજે કરી, જુગારધારાની કલમ હેઠળ ધોરણસર કાર્યવાહી કરી હતી.