પોરબંદર નજીકના રાણાવાવ ગામે સ્મશાન પાસે જુગાર રમતા ૭૨ વર્ષના વૃધ્ધ સહિત પાંચ જુગારીઓને પોલીસે પકડી પાડયા હતા તે ઉપરાંત પોરબંદરના રવિપાર્કમાં રોડ પર જુગાર રમતા ત્રણ ઇસમો ઝબ્બે થયા હતા.
રાણાવાવમાં દરોડો
રાણાવાવના વાગડીયાવાસમાં આવેલા સ્મશાન પાસે જાહેરમાં જુગાર રમતા વેલજી મનુ ચૌહાણ, ૭૨ વર્ષના વૃધ્ધ મોહન રણછોડ પરમાર, અશોક શામજી જંજવાડીયા, શૈલેષ પાંચા પરમાર અને હમીર વેલજી સોમાણીને ૧૩,૯૫૦ની રોકડ સાથે પકડી લેવાયા હતા.
રવિપાર્કમાં દરોડો
પોરબંદરના ગાયત્રીમંદિર રોડ પર રવિપાર્કમાં સર્વિસ સ્ટેશન પાસે જુગાર રમતા ખાપટના મુકેશ કાના વાઘેલા, નરસંગ ટેકરીની ઓમ રેસીડેન્સીમાં રહેતા કિરીટકુમાર શાંતિલાલ રતનધારા અને ઘાસ ગોડાઉન પાછળ ઘંટી પાસે રહેતા ચેતન રમેશ સોઢાને ૮૬૪૦ની રોકડ સાથે પકડી પાડયા હતા.