પોરબંદરમાં વીર ભનુની ખાંભીથી નિરમા ફેકટરી સુધી સ્ટ્રીટલાઇટ ફીટ કરવા માંગ થઇ છે.
પોરબંદર નગરપાલિકા દ્વારા ઘણા વર્ષોથી અગાઉથી પોલ ફીટ કરેલ હોય પરંતુ તેમના પર લાઇટો ફીટ કરવામાં આવેલ ના હોય અને હાલ રસ્તો ગામની વચ્ચેથી પસાર થાય છે અને આ રસ્તાની વચ્ચે ૧૦થી વધુ સ્કૂલો કોલેજોનો રસ્તો પસાર થાય છે તેમજ અનેક રાહદારીઓ ત્યાંથી પસાર થાય છે. રાતના અંધારાના હિસાબે રાત્રે બિરલાના કામદારો નીકળતા હોય છે તેમજ અનેક બિરલા કંપનીના મોટા હેવી વાહનો પસાર થાય છે. જેમના હિસાબે અનેક અકસ્માત ભૂતકાળમાં થયેલ છે. જેમાં ઘણાના હાથપગ ભાંગેલ છે અથવા તો અમુક કિસ્સામાં મૃત્યુ પણ થયેલ છે. જેમાં મહદ અંશે પોરબંદર નગરપાલિકાના તેમજ હાલ મહાનગરપાલિકાના વહીવટકર્તાઓ અને અધિકારીઓની બેજવાબદારભરી નીતિના હિસાબે સામાન્ય જનતાએ ભોગવવું પડી રહ્યુ છે.
અમોની આપને અરજ છે કે તાત્કાલિક ધોરણે નિર્ણય લઇને સ્ટ્રીટલાઇટો ફીટ કરાવવા અપીલ છે.