સાઉથના સુપરસ્ટાર થલપતિ વિજયની ફિલ્મ ચાહકોને ખૂબ ગમે છે. અભિનેતાની અગાઉની રિલીઝ થયેલી ફિલ્મ 'લિયો'ને પણ દર્શકો તરફથી ઘણો પ્રેમ મળ્યો હતો. અભિનેતા હવે ફરી એકવાર 'ધ ગ્રેટેસ્ટ ઓફ ઓલ ટાઈમ' (GOAT) સાથે મોટા પડદા પર હલચલ મચાવી રહ્યો છે. વિજયની આ ફિલ્મની લોકો આતુરતાથી રાહ જોઈ રહ્યા હતા. જે  5 સપ્ટેમ્બર એટલે કે આજે સિનેમાઘરોમાં રિલીઝ થઈ છે. આ સાથે જ આ ફિલ્મનો પહેલો રિવ્યુ પણ આવી ગયો છે. જો જોવાનું વિચારી રહ્યા છો તો પહેલા રિવ્યુમાં જાણી લો કેવી છે આ ફિલ્મ?

'ધ ગ્રેટેસ્ટ ઓફ ઓલ ટાઈમ'નો ફર્સ્ટ રિવ્યુ

થલપતિ વિજય એ તમિલ ફિલ્મ ઉદ્યોગના સૌથી મોટા સ્ટાર્સમાંના એક છે. તેમની ત્રણ દાયકાથી વધુની કારકિર્દીમાં, તેમણે ઘણી બ્લોકબસ્ટર હિટ ફિલ્મો આપી છે અને તેમની તેજસ્વી અભિનય ક્ષમતાઓથી લાખો લોકોના દિલ જીતી લીધા છે અને હવે થલપતિ વિજય વર્ષ 2024ની તેની પ્રથમ રિલીઝ માટે ચર્ચામાં છે. ધ ગ્રેટેસ્ટ ઓફ ઓલ ટાઈમ (GOAT)  ફિલ્મ જેનું નિર્દેશન વેંકટ પ્રભુએ કર્યું છે અને તે એક સાયન્સ ફિક્શન એક્શન થ્રિલર છે. થિયેટરોમાં તેની રિલીઝ સાથે, ફિલ્મના રિવ્યુ પણ આવી ગયા છે. ઘણા ચાહકોએ ફિલ્મને મેગા મનોરંજક ગણાવી છે. જ્યારે અન્ય લોકોએ તેને બ્લોકબસ્ટર ગણાવી છે.

એક સોશિયલ મીડિયા યુઝરે GOATને 'બ્લોકબસ્ટર' ગણાવી હતી. તેણે લખ્યું, “GOAT રીવ્યુ બ્લોકબસ્ટર-કોમર્શિયલ સિનેમા શ્રેષ્ઠ! – ફર્સ્ટ હાફ એન્ટરટેઈનિંગ – પીક સેકન્ડ હાફ બેંગર ક્લાઈમેક્સ, ઈન્ટરેસ્ટિંગ કેમિયો ઈન્ટ્રો સીન થલપતિ વિ ઈલાયા થલપતિ.

અન્ય એક યુઝરે લખ્યું, "આ ફિલ્મ જરૂર જોવા જેવી છે."

‘ધ ગ્રેટેસ્ટ ઓફ ઓલ ટાઈમ’ સ્ટાર કાસ્ટ

'ધ ગ્રેટેસ્ટ ઓફ ઓલ ટાઈમ'માં થલપતિ વિજય ઉપરાંત પ્રશાંત, પ્રભુ દેવા, મોહન, અજમલ અમીર, જયરામ, સ્નેહા, લૈલા, મીનાક્ષી ચૌધરી, વૈભવ, યોગી બાબુ, પ્રેમગી અમરેન અને યુગેન્દ્રએ મહત્વની ભૂમિકાઓ ભજવી છે. રસપ્રદ વાત એ છે કે, થલપતિ વિજય ધ ગ્રેટેસ્ટ ઓફ ઓલ ટાઈમ (GOAT)માં ડબલ રોલમાં છે. ધ ગ્રેટેસ્ટ ઓફ ઓલ ટાઈમ (GOAT) એ થલપતિ વિજયની છેલ્લી ફિલ્મ હોવાનું કહેવાય છે. તમિલ સુપરસ્ટારે તમિલગા વેત્રી કઝગમ પાર્ટીની સ્થાપના કરી છે અને હવે તે આગામી તમિલનાડુ રાજ્યની ચૂંટણી લડવાની તૈયારી કરી રહ્યો છે.