અવકાશયાત્રી સુનિતા વિલિયમ્સ 5 જૂન, 2024થી આંતરરાષ્ટ્રીય અવકાશ સ્ટેશનમાં અટવાયેલી છે. તેને પરત લાવવાનો પ્રયાસ નિષ્ફળ ગયા બાદ હવે નાસા ફેબ્રુઆરી 2025માં તેની વાપસી માટે ફરી પ્રયાસ કરશે. ત્યાં સુધી તેણે ઈન્ટરનેશનલ સ્પેસ સ્ટેશનમાં જ રહેવું પડશે.

હવે સમાચાર આવી રહ્યા છે કે અંતરિક્ષમાં રહીને તેમને નવી જવાબદારી સોંપવામાં આવી છે. કહેવામાં આવી રહ્યું છે કે તેમને ઇન્ટરનેશનલ સ્પેસ સ્ટેશનના વડા બનાવવામાં આવ્યા છે. ત્યારે મનમાં પ્રશ્ન થાય કે સુનીતા વિલિયમ્સ ISSમાં ગરમ ​​ખોરાક ખાય છે કે પછી ઠંડો? અને ગરમ ખોરાક ખાય છે, તો પછી ખોરાક કેવી રીતે ગરમ થાય છે, કારણકે અવકાશમાં આગ તો લગાવી ન શકાય.

પહેલા સમજવું જોઈએ  કે અવકાશમાં આગ કેમ નથી લગાવી શકાતી

અવકાશમાં આગ નથી લગાવી શકતી કારણકે ત્યાં ઓક્સિજન ઓછો છે. સરળ ભાષામાં સમજીએ તો આગને બાળવા માટે ત્રણ વસ્તુઓની જરૂર પડે છે - ઓક્સિજન, બળતણ અને ગરમી. અવકાશમાં વાતાવરણ નથી, જેના કારણે ઓક્સિજનની ઉણપ છે, જેના કારણે અગ્નિની પ્રક્રિયા શક્ય નથી. જાણો અવકાશયાત્રીઓ ખોરાકને કેવી રીતે ગરમ કરીને ખાય છે.

અવકાશયાત્રીઓ ખોરાકને કેવી રીતે ગરમ કરે છે?

અવકાશયાત્રીઓ સ્પેસ સ્ટેશનમાં ખોરાકને ગરમ કરવા માટે ખાસ તકનીકનો ઉપયોગ કરે છે.  કારણકે ઓવન અથવા માઇક્રોવેવ જેવી સુવિધાઓ ત્યાં ઉપલબ્ધ નથી. હવે પ્રશ્ન એ થાય છે કે ત્યાં ખોરાક કેવી રીતે ગરમ કરવામાં આવે છે? સ્પેસ સ્ટેશન પર મોકલવામાં આવતા ખોરાકનું પેકેજિંગ ખાસ હોય છે.

આને થર્મલ પેકેજિંગ કહેવામાં આવે છે, જે ખોરાકનું તાપમાન લાંબા સમય સુધી જાળવી રાખવામાં મદદ કરે છે. આ પેકેજીંગમાં ખોરાક નિર્જલીકૃત રહે છે, જે પાણી ઉમેરીને તૈયાર કરવામાં આવે છે. આ સિવાય સ્પેસ શિપમાં એક ખાસ પ્રકારનું સાધન છે, જેને ‘ફૂડ વોર્મર’ કહેવામાં આવે છે. તેની મદદથી અવકાશયાત્રીઓ ખોરાકને ગરમ કરે છે. આ મશીન માત્ર ખોરાકને ગરમ કરતું નથી  પરંતુ તેને સુરક્ષિત અને આરોગ્યપ્રદ રીતે ખાવા માટે પણ તૈયાર કરે છે.