સરકાર દ્વારા ગેરકાયદેસર રીતે બાયોડીઝલના વેંચાણ કરવા ઉપર પ્રતિબંધ હોવા છતાં છાના ખૂણે બાયોડીઝલનો વેપલો કરતા શખસોને ઝડપી પાડી કાર્યવાહી કરવા માટે અમરેલી જિલ્લા પોલીસ વડા હિમકરસિંહની સૂચનાના પગલે અમરેલી ક્રાઇમ બ્રાન્ચની ટીમ બગસરાના હામાપૂરમાં વાહન ચેકિંગમાં હતી ત્યારે પસાર થતા જીજે ૦૩ બી ડબ્લ્યુ ૮૯૬૪ નંબરના ટેન્કરને રોકી તલાસી લેવામાં આવતા ટેન્કરમાં બાયોડીઝલ ભરેલું જોવા મળતા પોલીસે ચાલક સહિતના શખસો પાસે બાયોડીઝલના વેચાણ અંગેનો પરવાનો માગતા જે ન હોવાનું જણાવ્યું હતું. પોલીસે ટેન્કરમાં લઈ જવાતો ૧૪૦૦૦ લીટર ગેરકાયદેસર બાયોડીઝલ કી.રૂ.૯,૮૦,૦૦૦ નો જથ્થો તેમજ ટેન્કર અને બે મોબાઈલ મળી કુલ રૂ. ૨૨,૯૦,૫૦૦ નો મુદામાલ કબ્જે કરી કાંતિલાલ ગોવિંદભાઈ દલસાણિયા અને કનકરાય ઉર્ફે કાનો કાંતિલાલ દલસાણીયા (રહે. બંને વીરપુર (જલારામ) ને ઝડપી લઇ બગસરા પોલીસ મથકમાં ગુનો નોંધાવી બાયોડીઝલનો જથ્થો કોને આપવા જતા હતા અને ક્યાંથી ભર્યો હતો તે દિશામાં વધુ તપાસ હાથ ધરી છે.
શખ્સોની પુછપરછમાં જૂનાગઢના દિપ હસમુખભાઇ સાદરાણી અને  રશ્મીન ઉર્ફે લાલભાઇ ધિરૂભાઇ કોટેચાનું નામ ખુલ્યું છે. પોલીસે બંનેને ફરાર  શોધખોળ હાથ ધરી છે.