ભારતનો સૌથી મોંઘો એક્ટર સલમાન, પ્રભાસ કે શાહરુખ નહી, આમીર છે

100 કરોડના ક્લબમાં જ્યારે કોઈ ફિલ્મ સામેલ થતી હતી, ત્યારે માત્ર 15 વર્ષ પહેલા આ રકમ કોઈ ફિલ્મના બોક્સ ઓફિસ કલેક્શન માટે ઘણી મોટી માનવામાં આવતી હતી. પરંતુ ધીરે ધીરે ફિલ્મોની બોક્સ ઓફિસ પરની સફળતાએ તેને વધુ એક મોટી ક્લબમાં સામેલ કરી દીધી. કરોડોમાં તૈયાર થતી ફિલ્મોના મેકર્સ પણ સ્ટાર્સને મોટી ફી ચૂકવે છે. અમે જે એક્ટર વિશે વાત કરી રહ્યા છીએ. તે એક્ટરે એક ફિલ્મ માટે 275 કરોડ રૂપિયા લીધા હતા, આ ફિલ્મે બોક્સ ઓફિસના રેકોર્ડ તોડ્યા હતા. તેણે એક પછી એક ઘણી હિટ ફિલ્મો આપી, પરંતુ તે વર્ષોથી એક પણ સોલો હિટ ફિલ્મ આપી શક્યો નથી.

તે ન તો અમિતાભ બચ્ચન છે, ન સલમાન ખાન કે શાહરૂખ. અમે જે સ્ટાર વિશે વાત કરી રહ્યા છીએ તે છે આમિર ખાન. આમિર ખાનની ફિલ્મ ‘દંગલ’ 2017માં રિલીઝ થઈ ત્યારે તેણે ઘણા રેકોર્ડ તોડ્યા હતા. નિતેશ તિવારીની ફિલ્મે તેના શરૂઆતના સમયમાં 500 કરોડ રૂપિયાની કમાણી કરી હતી, જે 387 કરોડ રૂપિયાની કમાણી સાથે ભારતમાં સૌથી વધુ કમાણી કરનારી ફિલ્મ બની હતી. આ ફિલ્મે ભારતીય સિનેમામાં બોક્સ ઓફિસના તમામ રેકોર્ડ તોડી નાખ્યા અને દુનિયાભરમાં 2000 કરોડ રૂપિયાની કમાણી કરી.

2017ના બોલિવૂડ હંગામાના રિપોર્ટ મુજબ, એક્ટરે પ્રોફિટ શેરિંગ એગ્રીમેન્ટ ઉપરાંત ફી તરીકે 35 કરોડ રૂપિયા ચાર્જ કર્યા હતા. ‘દંગલ’ એ એક મોટી સફળતા હતી, જેણે ભારતમાં 500 કરોડ રૂપિયાથી વધુ અને વિદેશમાં 100 કરોડ રૂપિયાથી વધુ કમાણી કરી હતી. બોક્સ ઓફિસની સફળતા અને તમામ રાઇટ્સના વેચાણના આધારે ફિલ્મે 420 કરોડ રૂપિયાનો નફો કર્યો હોવાના રિપોર્ટ હતા.

કેટલાક રિપોર્ટમાં એવો પણ દાવો કરવામાં આવ્યો હતો કે ફિલ્મનું પ્રમોશન પૂરુ થયું ત્યાં સુધીમાં, આમિરે ‘દંગલ’થી 300 કરોડ રૂપિયાની કમાણી કરી લીધી હતી, જે બાહુબલી 1 અથવા પઠાણના આખા બજેટ કરતાં વધુ હતી. ‘દંગલ’ આમિરની અત્યાર સુધીની છેલ્લી સોલો હિટ ફિલ્મ હતી.

‘દંગલ’ રિલીઝ થયાના બીજા વર્ષે આમિરે ‘સિક્રેટ સુપરસ્ટાર’ બનાવી, જેમાં ઝાયરા વસીમ મુખ્ય ભૂમિકામાં અને આમિરે કેમિયો રોલ કર્યો. આ ફિલ્મે વર્લ્ડવાઇડ 900 કરોડ રૂપિયાની કમાણી કરી હતી. પરંતુ આ પછી પણ આમિર લીડ રોલમાં ન હોવાથી સફળતાનો સ્વાદ ચાખી શક્યો નહીં.

આ પછી સુપરસ્ટારને બોક્સ ઓફિસ પર ખૂબ જ ખરાબ સમયનો સામનો કરવો પડ્યો હતો. તેની 2018 ની રિલીઝ ‘ઠગ્સ ઑફ હિન્દોસ્તાન’ બોક્સ ઓફિસ પર નિષ્ફળ ગઈ, ચાર વર્ષના બ્રેક પછી, આમિરે 2022માં ‘લાલ સિંહ ચઢ્ઢા’ સાથે કમબેક કર્યું, પરંતુ ફરીથી અસફળતા મળી કારણ કે આ ફિલ્મ ભારતમાં 100 કરોડ રૂપિયાની કમાણીનો આંકડો પણ પાર કરવામાં સફળ ન રહી.

‘લાલ સિંહ ચઢ્ઢા’ પછી આમિરે એક્ટિંગમાંથી બ્રેક લીધો હતો. તે હાલમાં તેની બીજી એક્સ વાઇફ કિરણ રાવ દ્વારા ડાયરેક્ટેડ ફિલ્મ ‘મિસિંગ લેડીઝ’ પ્રોડ્યુસ કરી રહ્યો છે, જે 1 માર્ચે થિયેટર્સમાં રિલીઝ થઈ રહી છે.